Иккита жинни тортишиб қолишибди.
Биринчиси олма дарахтига қараб туриб:
— Бу йил мана шу дарахт икки тонна олча беради, - дебди.
Иккинчиси эса:
— Йўқ, бу дарахт бу йил бир тонна шафтоли беради, - дебди.
Шу пайт шифокор келиб қолибди. Суҳбатни эшитиб туриб:
— Ахир, бу дарахт анор-ку! - дермиш.
Меҳмон мезбонга:
— Саҳийлигингиз шундан кўриниб турибди. Қаранг, пиёламни тўлдириб чой қуйибсиз!
— Бу сaҳийликмас. Шакар сололманг дедим!!!
Эркак дўстига деди:
— Кеча кечқурун келаётсам, йўл четида қурбақа ётибди. Раҳмим келиб уйга олиб келдим. Ухлашга ётаётиб уни ёнимга ётқиздим. Эрталаб уйғонсам қурбақа маликага айланиб қолибди. Ишонасанми дўстим?
— Ҳа ишонаман.
— Негадир хотиним ишонмаяпти.
— Менда-ям шунақа бўлганди-да...
Хотини кўзгу олдида ўзига оро бериб эрига мақтана бошлабди:
— Биласизми? Бугун косметологга боргандим. У мени юзимни 18 ёшли қизникига ўхшатди.
Эри энса қотириб:
— 48 ёшли ажинларинг ҳақида ҳеч нима демадими, - деса, хотини жаҳл билан:
— Йўқ! Сизни сўрамади, - дермиш.
— Адаси, анча совуқ тушиб қолди. Болаларни кийинтириш керак! Қачон бозорга олиб борасиз?
— Кеча ҳисоблаб кўрдим. Болаларни иссиқ ўлкаларга уч ойга юборсак арзонроқ тушаркан, хотин...
Бир болакай мактабга кетаётса, ёнига такси келиб тўхтабди-да:
— Ўтир олиб бориб қўяман, - дебди ҳайдовчи болага раҳми келиб. Болакай машинага чиқибди-ю, ҳайдовчига савол бера бошлабди:
— Отам ҳарбий, онам милицияда ишласа, мен ким бўламан?
— Яхши ҳарбий бўласан.
Болакай яна сўради
— Агар отам ўқитувчи, онам эса боғча тарбиячиси бўлса, мен ким бўламан?
Ҳайдовчи:
— Мураббий бўлсанг керак.
Шундай қилиб болакай савол бераверибди. Охири ҳайдовчи жаҳли чиқиб, болага ўгирилибди-да:
— Агар отанг бемаъни, ароқхўр, қиморбоз бўлса, онанг бетайин бузуқи бўлса, сен ким бўласан?
Шунда болакай:
— Таксичи бўламан, - деган экан.
Ака-сингил карамли салат еб ўтиришган экан акаси:
— Синглим, эчкига ўхшаб ўтиришимиззи қара! - деса, синглиси:
— Сиз балки эчкига ўхшаб кетяпсиз, мен қуёнчаман! - дермиш.
Асабийлашган бемор врачдан сўрабди:
— Рентген тасвири неча пул туради?
— Оддий тасвирми?, - дебди врач.
— Йўқ, елкамда маймун боласи, орқамда эса қора денгиз, устида чайка қушлари учиб юрган кўриниши қанча бўлади?! - дермиш.
Хотин эрига дебди:
— Адаси ҳайдовчилик гувоҳномасига ўқисам дегандим. Менга машина олиб берардингиз... Қариндошларникига борардик.
Эри:
— Сен машина ҳайдасанг, қариндошларни кўра олмаймизми деб қўрқаман, хотин...!
— Алло, Нодирни мумкинми?
— Ухлаяпти.
— Агар уйғонса, дўстинг қўнғироқ қилди деб қўйсангиз.
— “Агар уйғонса” деганинг нимаси???