Ишга шошилиб чиқиб кетаётган эрини хотини тўхтатибди:
— Тўхтанг-чи адаси. Ҳеч нарсани унутмадингизми? – дебди ҳар куни ишга кетишдан аввал болалари билан ҳайрлашиб кетиши кераклигини эрига эслатмоқчи бўлиб...
Эри шошиб-ҳовлиқиб чўнтагини кавлабди-да 10 минг чиқариб, хотинига бериб “Бошқа йўқ, ушла! Бори шу!” деб югуриб чиқиб кетаверган экан.

Давлат бюджетидаги пуллар – инсон манфаатлари учун мўлжалланган пуллардир! Қайси инсонлар дейсизми?! Ҳа, уларни ҳар куни телевизорда кўриб ўтирамиз-ку...!

Улфатлар дўстиникига йиғилишиб, гаплашиб ўтиришган экан. Дастурхонда ҳамма нарса бор, фақат ароқ етишмаётган эмиш. Ўтирганлардан бири ёнидаги ўртоғини туртиб сўрабди:
— Бугун ичамизми ўзи?!
— Бироз сабр қил, - дебди дўсти.
Қарашса, уй эгаси қўлида иккита шиша олиб келаётган эмиш.
— Ана, айтдим-ку сенга олиб келади деб! – дебди дўсти.
Сабри чидамаётган улфати бўш қадаҳни кўтариб:
— Мен унгача тост айтиб туравераман! – дермиш.

Буратина бир мазза қилиб ҳаммомда чўмилмоқчи бўлиб, иссиқхонага кирган экан, ёниб кетибди.

Кўзи ёрийдиган ёш келинчак туғруқхонада йиғлай бошлабди.
— Нега йиғлаяпсиз? – дебди врач.
Келин:
— Менда эгизаклар! - деб яна баттар йиғлай бошлабди.
— Эгизаклар бўлса нимаси ёмон? – сўрабди врач.
— Эрим “Иккинчи бола кимдан? Қаердан олдинг?” деб сўрасалар нима деб жавоб бераман? – дермиш келин.

Бир эркак уйига ҳар куни ичиб келар, эрталаб турса ҳамма ёғи моматалоқ, чўнтагида пуллари йўқ бўлар экан.
Бир куни уйига ичмасдан келиб, атайлаб кўзини юмиб ётса, хотини билан болалари таёқ олиб келиб, энди урмоқчи бўлаётганларида ўрнидан туриб:
— Ҳа, демак бу сенларни ишларинг экан-да!? – деб ҳаммасини қувлаб кетган экан.

Касби электрик бўлган йигитни ток уриб касалхонага тушиб қолибди.
Касалхонада йигит ҳушига келиб, ёнида ётган хонадош бемор билан танишиб ундан сўрабди:
— Қаерликсиз?
— Қаршиликман, - дебди хонадоши.
Шунда электрик:
— Резистор экансиз-да... – деса, хонадоши:
— Ток ёмон урганга ўхшайди... – дермиш.

— Сени дазмолга ўхшатдим.
— Дазмол бўлсам, нима қилар эдинг?
— Қизиганмикан деб юзингга туфлаб кўрардим.

Мактабда ўқувчиларга биринчи тиббий ёрдам кӯрсатиш усуллари ўргатиляпти.
Муаллима:
— Хўш, Эшматов, агар уч яшар уканг уй калитини ютиб юборган бўлса, қандай йўл тутардинг?
— Уйга деразадан ошиб кирардим.

Бир ўзбек талаба сеҳрли чироқ топиб олибди. Ичидан минг йиллик жин чиқибди.
— Тила тилагингни! - дебди жин.
Талаба ўйлаб туриб, — Ўзбекистонда интернет қачон арзон бўлади? - дебди.
Жин нима дейишини билмай ўйланиб турса, чироқни керосини тугаб қолибди.