Ўзбекона ҳақида латифалар

Бир киши тилла балиқ ушлаб олибди.
— Тила тилагингни эй яхши инсон! - дебди балиқ тилга кириб.
— Машина олишни истайман, - дебди киши.
— Кредитгами ёки нақдгами? - дебди балиқ.
— Пахта ёғида қовурайми сени ёки писта ёғидами? - дебди ҳалиги киши.
Хотини туғруқхонага кетган эр тўнғич фарзандини уйқудан уйғотиб, кийинтириб, чой ичириб боғчага олиб борибди.
— Шу сени боғчангми?
— Йўқ, ада!
Бошқа боғчага олиб келиб:
— Шунисими?
— Йўқ! Бу боғчани ҳатто кўрмаганман ҳам.
Яна бошқа боғчаларга олиб келиб:
— Шунисими? Шунисими? - деб юрса, ўғли:
— Ада, яна бироз боғчама-боғча юрсак, мактабимга кеч қоламиз! - дермиш.
— Салом Барнохон!
— Ким бу?
— Сиз мени танимайсиз. Лекин мен сизни танийман. Ҳозир сизга 2 та ёмон янгилик айтмоқчиман.
Бизларни эримиз учинчи хотинга уйланиб олибди.
Эшкакчилар ўртасида мусобақа ўтказилди. Ҳар бир қайиқ 9 кишини кўтара олар эди. Япония эшкакчилари ғолиб бўлибди. Бизникилар эса энг охирги.
Натижа таҳлилига кўра японлар қайиғида 1 та бошлиқ ва 8 та эшкакчи бор экан.
Бизникилар гуруҳда эса 1 та умумий бошлиқ, 3 та ўринбосар, 4 та бўлим мудири ва 1 та эшкакчи бор эди. Бизникилар дарров мағлубият сабабини аниқлашди. Эшкакчи айбдор! У ишдан кетибди.
Кириш имтиҳонлари, охирги босқич.
— Билет тортинг!
— Савол: Коррупцияга қарши кураш агентлиги...
— Хўш жавоб борми?
— Тайёрланмаган эдим...
— Майли борақолинг, баҳоингиз 4!
— Раҳмат ада!
Иккита қўй кўчада учрашиб қолиб:
— Баа-а, - дебди биттаси.
— Маа-а, - дебди иккинчиси.
Шунда биринчиси иккинчи қўйга қараб:
— Инглиз тилини ўрганяпсанми? - деган экан.
— Доктор, давоси йўқ қандай дардга чалинибман?
— Пулсизлик дарди...
Бой хонадонни қизига уйланмоқчи бўлиб келган йигитни гаплари:
— Гап сизларни бойлигингизда эмас. Қизингизни севаман!
Хонадон эгаси:
— Ахир бизни 3 та қизимиз бор. Қайси бирини?
Йигит:
— Фарқи йўқ!
Савол: Қиз бола ва аёл ўртасидаги фарқ нимада?
Жавоб: Қиз бола янги iPhone хоҳлайди. Аёл эса "тагига олмайдиган" това хоҳлайди.
— Мактаб бозори қилдингизми?
— Ҳа! Кундалик, валерианка ва камар сотиб олдим.