Ozbekona haqida latifalar

— Lotoreyada pul yutib olsam nima qilasan?
— Voy adasi, pulni yarmini bersangiz, hamma aytgan ishlaringizni qilib qo‘yardim.
— Juda yaxshi! Lotoreyadan 100 ming so‘m yutuq chiqdi. Mana 50 ming. Hovlidagi qorlarni tozala, mashinamni yuvib qo‘y, bozorga borib ro‘zg‘or qilib kel!
Mashinamga 80 benzinni 5700 so‘mda quygani ketdim. Bahorda qaytaman.
Noutbukimni unutib, gilam ustida qoldiribman.
Qaynonam uni tarozi deb o‘ylab ustiga chiqib olsa bo‘ladimi!?
Xotin eriga:
— Qo‘shnimiz har kuni ishga ketayotib, xotinini yuzidan o‘pib ketadi. Nega siz hecham unaqa qilmaysiz? - desa, er hayron bo‘lib xotiniga:
— Qanaqasiga o‘pib ketaman axir?! U birovni xotini bo‘lsa...!
Amaldorlar yangi yil oldi narxlarni oshirishga asos topa olishmadi. Shuning uchun asossiz oshirishmoqda.
— Ozgina sabr qilinglar! Uyingiz isib qoladi.
— Iye, gaz keladimi?
— Yo‘q, bahor keladi.
Xotin erini mashinasini haydab ko‘rmoqchi bo‘lib o‘tiribdi. Qarasa oyoq tagidagi tepki 2 ta ekan.
— Men bu mashinani hayday olmayman. Avtomaktabdagi mashinalarda 3 ta tepki bor edi-ku, - debdi xotini asabiylashib.
Eri unga:
— Menda avtomat! - desa, xotini battar asabiylashib:
— Meni qo‘rqitmang!!! - debdi.
— Maoshing qancha?
— 100 dollar.
— Voy tentak!
— Soatiga.
— Voy ablah!
Bolalar uchun yangi yil archasi davom etadi!
Ta’til uzaytirildi. Hech kim maktabga chiqmasin!
Darslar boshlandi. Hamma maktabga chiqsin!
Ta’til uzaytirildi. Hech kim maktabga chiqmasin!
Darslar onlayn boshlandi!
Onlayn darslar bekor qilindi, ta’til uzaytirildi!
Aziz ota-onalar! Havotir olmanglar, sinf xonalari issiq va barcha o‘qituvchilar 100 foiz ishga kelgan. Ta’tilni davom ettiraveringlar!