Qarz haqida latifalar

Yigit do‘stiga:
— Ikki ming pul qarz berib tur!
Do‘sti cho‘ntagini kavlab:
— Faqat bir yarim ming pulim bor.
— Mayli beraver! Besh yuz qarz bo‘lasan shunda...
Vanya Abramdan pul qarz so‘rashga keladi.
— Abram, menga 100 rubl ertagacha qarz berib tur. Ertaga 100 rublni 200 rubl qilib qaytarib beraman, evaziga boltamni garov sifatida qoldiraman.
Abraam 100 rubl berib:
— Vanya, lekin senga rahmim keldi, ertaga sanga + 100 rubl qilib qaytarib berish qiyinlik qilmaydimi?
— Ha, to‘g‘ri aytasan Abram, qiyin bo‘ladi, lekin ilojim yo‘q.
— Vanya, bunday qilamiz, yaxshisi sen menga hozir yarmini ber (100 rublni) ertaga qolganini berasan, senga qiyin bo‘lmaydi.
Shunday qilishibdi.
Vanya uyiga borayotib, o‘ylarmish: "100 rubl oldim, yarmini berdim, yana 100 rubl qarz bo‘lib qoldim, boltamni garovga qo‘ydim, oldimda hech vaqoim yo‘q, lekin bari to‘ppa—to‘g‘ri!"
— Odamlar vaqtincha ablah bo‘lishi mumkinmi?
— Ha! Agar so‘ralgan pulni soat 17:00da olib borishing kerak bo‘lsa-yu, sen uni 17:30 da olib borsang, demak sen yarim soatga ablah bo‘lib turasan.
— Botir aka, hech uyingizga biror martta o‘g‘ri tushib, hamma narsangizni o‘g‘irlab ketganmi?
— Ukam, bo‘ldi qilsang-chi! Pulim bo‘lishi bilan sendan olgan qarzlarimni qaytaraman!