ДАН-ходимлари ҳақида латифалар

ДАН ходими автомобилни тўхтатиб, ҳайдовчига:
— Юкхонани очинг! Текшириб қўяй, - дебди.
Ҳайдовчи:
— Командир, келинг юкхонани очмайлик. Юз минг бераман, - деса, — Нималар деяпсиз?! Очинг текширишим керак!, - дебди ДАН ходими.
Ҳайдовчи яна икки юз минг беришини айтибди.
— Майнавозчилик қилмай, очинг!
— Уч юз бераман!
— Йўқ!
— Мени охирги гапим, бир миллион бераман!
— Мениям охирги сўзим, юкхонани очасиз!
— Мана марҳамат!
ДАН ходими қараса, юкхона бўм-бўш эмиш.
— Нимага бошимни қотириб, шунча пул таклиф қилдиз?, - деса,
— Сиз билан бир "Поле Чудес" ўйнагим келди-да, - дермиш ҳайдовчи.
Хотин ҳудди ДАН ходимига ўхшайди. Бош оғритиб гапиради, пулингни олади, кайфиятингни бузади... Энг ёмони — барибир айб топади!
Matiz ҳайдовчиси қизилда ўтиб кетибди. Сержант тўхтатибди.
— Документлар?
— Йўқ, командир!
— Права?
— Йўқ, командир!
— Уфф денгчи?
— Ичганман!
— Ҳозир капитанни чақираман, кейин сиз у билан проблемангизни ҳал қиласиз.
Капитан келиб:
— Документлар?
— Марҳамат!
— Права?
— Марҳамат!
— Ичганмисиз?
— Уффф... Ичмаганман!
— Нега менга сержант унақа деди???
— Командир, сержант ҳозир мени қизилдан ўтган ҳам дейди.
Иккита Гаи ходими хизмат машинасида кетаётишса, олдидаги машинанинг ойнасига ёпиштирилган реклама ёзувига кўзи тушибди: "Автомобиль сотилади. Қуйидаги телефон рақамига қўнғироқ қилинг".
Гаи ходимлари ҳайдовчини телефонда гаплашгани учун жаримага тортмоқчи бўлиб, эълонда кўрсатилган рақамга қўнғироқ қилишибди.
— Алло, эълон бўйича сўрамоқчи эдим.
— Ҳа, албатта. Сўрайверинг, - дебди телефонини "Баланд овоз" режимига ўтказиб қўйган ҳайдовчи.
Гаи ходими ҳайдовчини гапга солаверибди. Бироздан кейин Гаи ҳайдовчига:
— Илтимос телефонингизни қўлингизга олиб гаплашсангиз, яхши эшитилмаяпти, - деса, ҳайдовчи:
— Жон деб гаплашардим. Фақат ортимдан боядан бери биттаси думга ўхшаб эргашиб келяпти-да. Биласиз-ку, буларга баҳона топилса, дарров тўхтатишади! - дермиш.
Бир тракторчи йўлда бешта одамни прицепига миндириб, агар йўлда ГАИ чиқса ётиб оласизлар — дебди. Ҳайдовчини бир пайт ГАИ ходими тўхтатиб:
— Ака, нимага тракторингизга бешта одам миндирдингиз, бу мумкин эмас-ку — дебди.
— Шунда, қани одам, бу ерда одам йўқ, бу моллар-ку.
— Қанақасига одам бўлмайди, унда ким бўлмаса — деса?
— Булар моллар, одам бўлишганида сизни кўришганда ётиб олишарди — дебди.
Ҳайдовчилар йўлда бирор хавф бўлса, автомобиль чироқларини ёқиб-ўчириб бошқа ҳайдовчиларни огоҳлантиришади. Йўлларимизда энг кўп учрайдиган хавфни билишади. ДАН ходимини кўриб қолишса...
Уч ўртоқ машинада кетаётса, ГАИ ходими тўхтатиб, рульда ўтирганга қараб:
— Ҳа, ичдингизми?, - деб сўрабди.
— Йўқ, - дебди машинадагилар баравар.
— Унда нега уччалангиз ҳам олди ўриндиқдасизлар?!
Бир талаба эрталаб машинасида шошиб ўқишга кетаётиб, қизил чироқда ўтиб кетибди. Йўл четида беркинолмасдан турган ГАИ дарров тўхтатибди.
Ҳужжатларни текшира туриб дебди:
— Бекорчи эканмиз-да?!
— Ҳа бекорчимиз! - дебди талаба.
— Давлатни пулларини еб ётибмиз денг...?!
— Ҳа, шундай! – дебди яна.
— Талаба эканмиз-да...?!
— Бу ерда талаба фақат менман...!
ЙПҲ нозири автомобилни тўхтатиб:
— Ҳурматли ҳайдовчи, сиз ҳозиргина пиёдага йўл бермай қайрилдингиз...
— Йўғ-е, бўлиши мумкинмас! Мана машинамда видеорегистратор бор...
Видеорегистратордаги ёзувни синчковлик билан текшириб чиққан ЙПҲ нозири ҳайдовчининг пиёдага йўл берганини кўрибди.
Лекин ҳайдовчи кун бўйи қилган бошқа 4 та қоидабузарлигиучун жарималар қоғозини ҳайдовчининг қўлига топширибди.
Бир мотоцикл ҳайдовчиси қоидани бузиб, ЙПҲдан қочиб, кўп қаватли уйларни орасига кириб кетибди. Уларни чалғитиш учун мотоциклини ўша ерда қолдириб, катта йўлга чиқиб турса, инспектор келиб:
— Ҳўш мотоцикл қани?
Ўғри:
— Қанақа мотоцикл?
— Бироз аввал қоидани бузиб, мендан қочиб келаётгандинг-ку?!
— Бу нима деганинг? Ахир мен пиёда айлангани чиқдим-ку...
— Айлангани чиқдингми?
— Ҳа.
— Каска кийиб олиб-а??? Мотоцикл билан ҳужжатларни кўрсат, - деган экан инспектор.