ДАН-ходимлари ҳақида латифалар

Бир одам автомобилини катта тезликда ҳайдаб кетаётса, ГАИ ходими тўхтатиб сўрабди:
— Нега бунчалик газни босиб келяпсиз? - деса ҳайдовчи:
— Йўлларимиз равон, юртимиз тинч бўлса... Сиздек посбонларимиз хизматда бўлса... Нимадан қўрқамиз!? Босамизда газни, - деса ГАИ ходими ғурурланиб:
— Оқ йўл! - деган экан.
Аёл киши бошқариб кетаётган машинани ЙПҲ ходими тўхтатиб:
— Ҳурматли ҳайдовчи, узоқдан қараб турибман аниқ 80! – деса, аёл:
— Йўқ! Нималар деяпсиз?! 80 да эмасман. Шунчаки, кўйлагим қари кўрсатяпти, - дермиш.
— Мен янги антирадар сотиб олдим.
— Хўш, нима каромат кўрсатар экан?
— ЙПҲ ходими турган жойга 300 метр қолганда "Пулни тайёрла!" деб айтади.

Ҳайдовчи эрталаб соат 4 да йўлда кетаётса, ЙПҲ хизмати ходими дарахт орқасидан югуриб чиқиб, машинани тўхтатибди.
— Эрта тонгдан қаёққа кетяпсиз ҳурматли ҳайдовчи. Ҳамма одамлар ухлаб ётибди. Шубҳали...?!
— Мен ҳам шуни айтаман. Ҳамма одамлар ухлаб ётганда сиз дарахт орқасида нима қилиб турибсиз?!

Йўл патруль хизмати ходими ҳайдовчини тўхтатиб текширса, маст экан.
— Ҳурматли ҳайдовчи! Сизнинг маст эканингизни тасдиқлаш учун биз билан экспертизага боришингизга тўғри келади, - дебди.
Ҳайдовчи:
— Маст эмасман ахир! Тўртталовинг мени судраб ҳам олиб боролмайсанлар, - дермиш.