Байрамлар ҳақида латифалар

Янги йилга икки кун қолганда раҳбар офисга кириб келибди:
— Ассалому алайкум, ўртоқ бошлиқ!
— Салом. Сен янги келганлардансан-а?
— Ҳа, шундай!
— Топишмоқ айтаман топ! "Ким ичмайди, чекмайди. Янги йилда навбатчиликда қолади!"
— ...
Барчангизни кириб келган янги йил билан табриклаймиз!

2017 йилда барчангизга саломатлик, омад, хайрли ишларингизда ривож тилаймиз. Қалбингиздан қувонч, оилангиздан шоду-ҳуррамлик асло аримасин. Йил давомида www.latifa.uz билан табассум қилинг!!!

Бизни латифаларни ўқиганлар 100 ёшга кириб юрсин! Ўқимаганлар эса 99 га...!
— Ҳа, Эшмат глобус кўтариб олибсан?
— Байрамга хотинимга совға қилмоқчиман.
— Хотининг ўқитувчи эмасдику.
— Ўқитувчи бўлмаса ҳам менинг давримда бир дунёни кўрсин.
Болалигимда:
"Ура-а-а, яқинда янги йил байрами бўлади!!!"
Ҳозир:
"Уф-ф-ф яна янги йил байрами...!"
— Янги йил байрамида соат 12:00га бонг ураётса, бир эркак ният қилибди:
"Шу йили соҳибжамол, чиройда тенгсиз қизлар билан танишиб олай...! "
— Хўш, танишибдими чиройли қизлар билан?
— Ҳа, албатта! Хотини яна иккита эгизак қизалоқларни туғибди...
Ўрмонда катта байрам бўлаётган экан. Ҳамма ҳайвонлар хурсанд! Айниқса, айиқ ҳаммадан кўпроқ қувониб юрганмуш. Нима гаплигини сўрашса:
— Маша турмушга чиқяпти, - дермиш айиқвой.
— Беҳуда кутяпсан, болам. Бу автобус фақат байрам кунлари юради, - деди кампир бекатда турган ўсмирга.
— Бугун менинг туғилган куним, - дермиш бола ҳам...
Демак, бундай! Янги 2020 йилда:
Деҳқонларга - ер майдонлари,
Хизматчиларга - фабрика, заводлар,
Турмушга чиқмаганларга - совчилар,
Ишсизларга - кира учун Матиз,
Норозиларга - бир шапалоқдан!!! Бор совғам шу...

— Мана дўстим, 2020 йил ҳам тугаб боряпти. Бу йил нималарга эришдинг?
— Мен тирик қолдим...

Байрам арафасида эр хотинига тинмай тиржая бошлади:
— Дадаси, нима гап, намунча менга қараб тиржаясиз?
— Э, хотин! Кеча телевизорда "Агар хотинингизга байрамга совға сотиб ололмасангиз, табассум қилинг", дейишди.