Ота-она ҳақида латифалар

Беморни синчиклаб текширган врач беморни ўзига эшиттирмайдиган секингина хотини томонга ўгирилиб:
— Биласизми, эрингиз менга ёқмаяпти, - деса, хотини ҳам паст товушда врачга:
— Шуни айтинг! Менга ҳам ёқмайди. Лекин болаларим уни яхши кўради-да! – дебди.
Онаси:
— Нега кундалигингда фақат 2 ва 3 баҳолар турибди. 5 оласанми ўзи ё йўқми?!
Бола:
— Ахир 2 га 3 ни қўшсак 5 ку ойижон!
Бир қизнинг телефонига нотаниш рақамдан СМС келди:
— Севганинг борми?
— Ҳа, бор! Ким бу?
— Бу мен, отангман! Сен билан уйда гаплашаман!
5 дақиқадан сўнг яна СМС келибди:
— Севганинг борми?
— Йўқ! Ким бу яна?
— Бу мен, йигитингман! Бу нима деганинг? Демак мендан ор қилар экансан-да!...
Болакай отасидан сўрабди:
— Дада, 2 та савол берсам майлими?
— Майли, сўра!
— Биринчиси - менга янги ўйинчоқ олиб берасизми? Иккинчиси - нимага йўқ?
Бир пайтлар ота-онамга ишлатиш учун эски русумдаги мобил телефонимни берар эдим.
Энди эса улар менга ўзларининг эски танометрларини беришмоқда.
— Ўғлингиз дарс вақтида рогаткадан отиб ўтиради, - деб нолибди ўқитувчи ўқувчининг онасига.
— Вой шумтака-ей! Туғилган кунига совға қилган тўппончани йўқотибди-да, - дебди онаси.
Ўқитувчи ўқувчисининг отаси билан суҳбатлашяпти:
— Ўғлингиз бемаъни, аҳлоқсиз сўзларни кимдан ўрганяпти?
Ота:
— Падарингга лаънат! Билмайман бу аблаҳ кимдан эшитаркин бунақа сўзларни?