Қисқа ҳақида латифалар

Баъзида шундай онлар бўладики, ҳаётингда катта ўзгаришлар қилгинг келади. Ва..., янгича шижоат билан профилингдаги расмни ўзгартирасан. Энди сен ўзгарганлигинг ҳақида билиб қўйишсин!
Баъзи қоғоздаги ҳисоботлар стрелкасиз соатга ўхшайди.
Рақамлар бор-у, маъноси йўқ!
— Эшикни очинг, МИБдан келгандик.
— Очмайман! Сизлардан жуда ҳафаман!
Инсонларга ишонмаслигимнинг сабаби 2 та:
1. Мен уларни мутлақо танимайман.
2. У инсонни мен жуда яхши биламан.
— Эшитдингми? Энди коррупцияга қарши кураш эмас, жанг олиб бориларкан...
— Ҳа! Жангда қурбонларнинг мулклари жангчиларга қолиб кетишини ҳам биласанми?!
Нега кўпчилик оналар инстаграмда фарзандларини юзларини беркитиб қўйишади-ю, кинозалга кирганда оғзилари беркита олишмайди.
— Агар сенга катта пул эвазига кўчага чиқиб “Мен бадбашараман” деб бақириб юргин дейишса рози бўлармидинг?
— Албатта! Бадбашара бўлсам ҳам аҳмоқ эмасман-ку!
Аввалига энага билан боғча опа айбдор. Кейин – тарбиячи. Ундан кейин – мактабда ўқитувчи айбдор. Кейин эса – ишхонада раҳбар! Сал кейин эса – хотин! Ҳаммасига айбдор ўшалар. Эркакларда ўзи ҳеч қачон айб бўлмаган деса ҳам бўлади...
Пул – инсонга ҳеч қачон вафо қилмайди.
Кўчага пул билан чиқиб кетасан, уйга нуқул ёлғиз қайтасан!
— Айрим рақамларни атайлаб, шу рақамдан бўладиган қўнғироқларни кўтармаслик учунгина телефонга сақлаб қўяман.