Саломатлик ҳақида латифалар

Тез ёрдамда ишловчи врачнинг шиори:
Қанчалик кеч етиб борсанг, шунчалик диагноз аниқ бўлади!
— Доктор,чап оёғим жуда зирқираб оғрияпти.
— Ёш туфайли бўлса керакда?!
— Ҳа, лекин ўнг оёғим билан тенгдош бўлсаям оғримаяптида...
Бир шифокор Коронавирусга қарши дори топган экан, халқаро конференцияга бориб дорини тақдимотини ўтказмоқчи бўлибди.
Лекин уни мамлакатдан Коронавирус карантини сабабли чиқаришмаётган эмиш.
Ниқоб тақиб юрган одамни ёнига биттаси келиб дебди:
— Коронавирус узоққа чўзилмайди.
— Нега? - дебди ҳалиги одам.
— Хитойликларни ишлаб чиқарган нарсасини биласан-ку... - деган экан.

Эшитишимизча баъзи газета нашрлари коронавирус туфайли юз берган туалет қоғози танқисчилиги сабабли, охирги саҳифаларни туалет қоғози учун бўш қилиб чиқармоқда экан

Бугун эрталаб хотиним:
— Дадаси, бугун ойим меҳмонга келар эканлар, - деди.
Мен ўзимни иложи борича хотиржам тутиб:
— Онажонимиз неча ёшда эдилар? - десам, хотиним:
— 58 ёшдалар, - деди.
Мен янада босиқлик билан:
— Эшитмаяпсанми хабарларни? Коронавирус 50 ёшдан ошганларда кўп учрайди.
Меҳмондорчиликлар ҳам вақтинча тўхтатилиб турилишини-чи, эшитдингми ўзи!?
Онангга айт, мен улар ҳақида қайғуряпман, - дедим-да анча енгил тортдим.
Бу сўзни 16 йилдан буён шунақаям айтгим келардики...

Фавқулотта вазиятлар вазирлиги (МЧС) фуқароларнинг телефонларига СМС юбориш бўйича рекордни Коронавирус туфайли Соғлиқни сақлаш вазирлигига (ССВ) топширди.
Бугун ишхонамиздан карантин эълон қилиб уйга жавоб бериб юборишди.
Карантин вақтида ҳам ойлик маошимиз тўлиқ берилишини, тиббий ниқоблар дорихоналарда 500 сўм эканини, озиқ-овқатларнинг нархи ошмаслигини эълон қилишди.
Кейин шу жойда мен уйғониб кетдим...
Бир киши сафарга кетаётиб, йўлда Коронавирусни учратиб қолибди.
— Қаерга кетаяпсан? - сўрабди вирус.
— Зиёратга. Сен-чи?
— Сенинг юртингга, беш минг кишини олиб кетишга, — дебди вирус.
Ҳар ким ўз йўлида кетибди. Йил ўтиб, улар яна ўша жойда кўришиб қолишибди.
— Сен алдадинг, - дебди вирусга ҳалиги киши, — Беш минг кишини олиб кетаман деб, юртимдан эллик беш минг одамни олиб кетибсан!
— Йўқ, Мен ростдан ҳам беш минг кишини олиб кетдим. Қолгани ваҳимадан, айримлари озиқ-овқатга бўкиб ўлишди, - дебди вирус.
Тиқилинч автобусда бир киши ўкириб йўталса, ёнида турган аёл жаҳл билан:
— Ишқилиб каронавирусмасмисиз?! Ниқоб ҳам тақиб олмабсиз! - деса, ҳалиги одам:
— Йўқ. Менда туберкулёзнинг очиқ шакли, - дебди.
— Ҳа, ундай бўлса майли-ку ... - деган экан ҳалиги аёл.