Haydovchi DAN xodimiga:
— Soatiga bir yuz yigirma kilometr, deysizmi? Axir mening tezligim soatiga 30 kilometrdan ham past edi-ku?!
— Hali mashinam bir joyda to‘xtab turuvdi ham dersiz?
— Ha-ha, deryali shunday...
— Unda baribir jarima to‘laysiz: bu joyda to‘xtab turish taqiqlangan.
Arendaga mashina minadigan taksist daryoga baliq oviga borgan ekan. Qarmog‘iga tilla baliq ilinibdi.
Baliq tilga kirib:
— Tila tilagingni bajaraman, - debdi.
Shunda taksist:
— Mening birdan-bir orzuyim yangi mashina minish, iloji bo‘lsa menga mashina paydo qilib bersang, - debdi.
Tilla baliq uning so‘zini eshitib:
— Naqdga olasanmi yoki "vыkupgami", - debdi.
Shunda taksist baliqqa qarab:
— Sani dimlab yesammi yoki qovurib yesammi ekan, - debdi...
— Sizlar go‘zal va yoqimtoy qizlarga jarima yozmaysizlar deb eshitganman!?
— Juda to‘g‘ri eshitgan ekansiz! Qani haydovchilik guvohnomangizni bering, jarima rasmiylashtirishim kerak!
Bu olamda hech kim seni aeroportda taksichi kutganchalik, intizorlik bilan kutmaydi!
Haydovchi bir qo‘li bilan rulni boshqarib, ikkinchi qo‘li bilan yonidagi qizni quchoqlab mashina haydab ketayotgan ekan.
Uni ko‘rgan DAN xodimi:
— Hoy ikki qo‘llab ushla - deb baqirib yo‘lini to‘ssa...
Haydovchi:
— Ha unda rulni kim boshqaradi? — dermish.
— Allo azizim, mashinamdagi navigatorga sen tegdingmi?
— Ha, Samarqandga qanday borilishini ko‘rib chiqgan edim.
— Aytdim-a, nega bu shaharga kelib qoldim deb!
Kecha meni GAI xodimi to‘xtatib, qoidabuzarligim uchun jarima yoza boshladi. Shu payt xodimning cho‘ntagidan ikkita yap-yangi 50ming so‘mlik tushib qoldi.
Yerga tushgan pullarini olib, unga uzatsam, GAI xodimi menga jahl bilan:
— Pora taklif qilmay qo‘yaqoling! Jarima yozib bo‘ldim! - dedi.
Men esa bu pullar uning cho‘ntagidan tushganini aytib, hecham tushuntira olmadim. U ishonmadi.
Na iloj, 100 mingni cho‘ntagimga soldim-da, yo‘limda ketaverdim...
Sud zalida ayblanuvchiga savol berishyapti:
— Siz qanday qilib birdaniga 6 ta odamni mashinangizda urib yubordingiz?
Haydovchi:
— Yo‘lda ketayotgan edim. Birdan tormoz ishlamay qoldi. Yo‘lning o‘ng tarafiga qarasam, 2 kishi, chap tarafida 4 kishi ketayotgan ekan. 4 kishidan ko‘ra, 2 kishini urib qo‘yaqolay, - deb, rulni o‘ng tarafga burdim. Birdan haligi 2 kishi chap tarafga qarab yugurib qolsa bo‘ladimi?! Ularni qulab, oxiri hammasini urib yubordim.
Yoqtirgan qizim yonimda, men mashina haydab ketayotsam, u menga mehrli boqib:
— Meni chin dildan sevarkansiz... Mana hozir ham, men tomonga tez-tez o‘girilib, har daqiqa mendan xabar olib turibsiz...
Men indamadim. "Yo‘llarda avtomobillar ko‘p, yon tomondagi oynalardan orqadagi mashinalarga qarab haydayapman" demayman-ku unga...!
Eski Tiko mashinasini haydovchisiga yonidan o‘tib ketayotgan mashinadagi yigit debdi:
— G‘ildiraklaringiz taqqillayapti.
Tiko haydovchisi qulog‘iga imlab:
— Eshitilmayapti. Nima deysiz?
— G‘ildiraklaringiz taqqillayapti deyman! – takrorlabdi yigit.
— Baribir eshitmadim. Chunki mashinamning g‘ildiraklari qattiq taqqillayapti!!!