Qariyalar haqida latifalar

— Bobo, siz ham yosh bola boʻganmisiz?
— Ha.
— Bolalar sizni soqolingizi koʻrib, rosa kulishgandir-a?!
Yuz yoshga to‘lgan kampir o‘zini davolovchi vrachiga dedi:
— Eh, Sultonboy, sizga shu qadar o‘rganib qolgandim… Mabodo… O‘lib-netib qolsangiz,
meni kim davolarkan-a?..
Mahalla raisi hammani yig‘ib majlis o‘tkaza turib debdi:
— Ayol erkaksiz yashay olmaydi, erkak ayolsiz! Ikkalasi go‘yoki suv bilan baliqqa o‘xshaydi. Suv bo‘lmasa baliq o‘lib qoladi, baliq bo‘lmasa, suvga o‘rdak qo‘nmaydi...
Raisni gapini bir qari onaxon bo‘lib:
— Bekor gap! Meni cholim o‘lganiga 30 yildan oshdi. Yashayapman-ku, o‘lganim yo‘q, - desa Mahalla raisi:
— Onaxon, men baliq haqida gapirayapman, kapchyonnыy haqida emas, - dermish.
Bir kuni odam tana a’zolari pensiyaga chiqishni boshlabdi. Ko‘z o‘rnidan turib aytibdi:
— Menga pensiya beringlar. Ko‘rmay qoldim...
Quloq ham qo‘lini ko‘tarib debdi:
— Menga ham nafaqa kerak. Eshitmay qolganimga ancha bo‘ldi...
Uzoqdan kimnidir ovozi kelibdi:
— Menga ham, menga ham pensiya kerak!
Tana a’zolari deyishibdi:
— Qo‘l ko‘tarib gapir! Kimsan o‘zi?! Seni ko‘rmayapmiz!
— Ko‘tarila olganimda pensiyaga chiqmasdim, - debdi ming‘irlab.
Keyin qarashsa, u tana a’zolari - qo‘llar ekan.
Qabristondan qaytayotgan ikki kampir suhbatlashyapti:
— Yoshingiz nechada?
— Sakson yettida.
— Shu yoshingizda pardoz qilib yurganingizga o‘laymi?!
— Ha, endi... O‘zingiz necha yoshdasiz?
— To‘qson uchda, aylanay.
— Uyga qaytib ovora bo‘lib yurganingizga o‘laymi?
Buvisi bo‘yi yetgan nabira qiziga debdi:
— Nabiraginam, tug‘ilgan kuningga bir chiroyli duo qilib qo‘yay...
Bo‘yi yetgan qiz shoshib buvisiga debdi:
— Buvijon, menga ajoyib yigit uchrashini duo qiling! U yigitsiz bir daqiqa ham yashay olmay...
Buvisi o‘ylanib turib dermish:
— Yo‘q, yaxshisi sen bilan yashay oladigan yigit uchrashini so‘rab duo qilaman!
— Amaki, avvallari shirin sut olib kelardingiz, nega olib kelmayapsiz?
— Eshagim sut bermay qo‘ydi, bacham...
Faraz qiling inson 1000 yil yashasa qanday bo‘larkin! Ota o‘g‘lini so‘kyapti: Padaringa la’nat, 670 yildan beri ichasan, hech ichkilikni tashlamaysan, o‘g‘ling sendan bezib Rossiyaga ketganiga 215 yil bo‘ldi, katta o‘g‘ling 480 ga kirdi hali o‘ylamaysan, qizing 270 ga kirdi qachon erga berasan, kichik o‘g‘ling 113 ga kirdi, sunnat to‘yiniyam qilmading!
Sim yog‘och ustida ikki montyor o‘tirardi. Pastdan qari kampir o‘tib qoldi. Montyorlarning biri kampirga:
— Onaxon, hov anavi yerda yotgan simni uzatib yuboring!
Kampir simni montyorga uzatdi-yu, yo‘lida davom etdi. Montyor esa sherigiga:
— Ko‘rdingmi, senga nima degandim? "Nol" deganim rost ekanmi? Sen bo‘lsang, "faza, faza", - deb valdiraysan!
— Tug‘ilgan kuningga nima sovg‘a qilsam ekan, nevaraginam?
— MP3 qo‘shiq yozilgan disk sovg‘a qila qoling, enajon.
— Senga qanaqasi yoqishini bilmayman-da.
— Eshitib qo‘ring-da, o‘zingizga yoqmaganlarini tanlab olavering.