Ikki talaba suhbatidan:
— Tinchlikmi, nega xomushsan?
— Sevgan qizimga iPhone 11 olib berish uchun 1 yil pul yig‘gan edim. Kecha shu pulga ovqat olib yeb qo‘ydim.
— Ovqat? O‘zi nechi pul yig‘gan eding?
— 18 ming so‘m.
#Pul-boylik #Doʻstlar #Ovqatlanish #Talabalar #Telefon
0
— Siz firibgarlikda ayblanmoqdasiz! Mijozlaringizga umrni uzaytiradigan dorilar sotar emishsiz... Buning uchun avval ham sudlanganmisiz?
— Ha, 1800, 1890 va 1910 yillarda sudlanganman.
#Boshqalar #Jinoyatchilar
0
Bir kishi o‘g‘li 18 yoshga kirguncha aliment to‘labdi.
O‘g‘li 18 ga to‘lgan kuni uni chaqirib:
— Borib onangga ayt! Endi aliment olib bo‘pti mendan. Shu gapni eshitganda onangni yuzini bir ko‘ray! - debdi.
Bola onasiga kelib gapni aytibdi. Onasi:
— Hozir borib adangga ayt. 18 yildan beri aniq o‘zini o‘g‘liga aliment to‘labdimikan? Shu gapni aytganingda adangni yuzini bir ko‘ray! - degan ekan.
#Ayollar #Bolalar #Pul-boylik #Erkaklar
0
Uchrashuvdan qaytgan qiz dugonasiga gapirib beryapti:
— Voy dugonajon, 40 yillik mashinani haydab kelsa bo‘ladimi.
— O‘zi nechi yoshda ekan?
— O‘sha mashinasini salondan 18 yoshida sotib olgan ekan.
#Ayollar #Uchrashuv #Dugonalar
0
Bir kun raqamlar bahslashib qolishibdi.
— Men azaldan baxtsizlik olib kelganman. Mendan hamma qo‘rqadi, - debdi 13 raqami.
— Men kelgan yilimda vabo tarqalgan. Men omadsiz yil bo‘lganman, - debdi 1872 raqami.
— Men esa chechak kasalligi bilan kelib, ko‘pchilikni yostig‘ini quritganman, - debdi 1901 raqami.
Bir payt o‘rtaga 2020 raqami chiqibdi. Hamma jim bo‘lib qolibdi.
— Qaysi birini aytay?! - debdi u.
#Boshqalar #Salomatlik
0
Ertalabki tig‘iz paytida Gazel mashinasiga 18 ta yo‘lovchini emas, 48 ta yo‘lovchini sig‘dira olgan Abdusattor aka Ginnes rekordlar kitobiga kiritildi.
#Qora-yumor #Haydovchilar #Ozbekona
0

1. Onangni otangga maskasiz ko‘rsatma!
2. Boshingga qilich kelsa ham maska taq!
3. Kelinni kelganda ko‘r, maskasini yechganda ko‘r!
4. Do‘st maska so‘raganingda bilinadi!
5. Maska bilan obod yuzing, gar bo‘lsa u vayrona ham!
6. Bir o‘zbekka ham maska kerak, ham antiseptik, deganlaridek...
7. Maskaga ishonma, maskasiz yurma!
8. Bugungi maskani ertaga taqma!
9. Maskang xalol bo‘lsa, ko‘chada taq!
10. Maskangni yashirsang, istimasi oshkor qiladi!
11. Maskasi bo‘lmasa ham aptekachining bolasi gapirsin.
12. Og‘zi qiyshiq bo‘lsa ham maskasi bor gapirsin!
13. Maskaning 3 kun taqilgani ham maska...
14. Er xotinning urushi, doka maskaning qurishi...
15. Maska sotsang qo‘shningga sot, u bilan o‘zing gaplashasan...
16. Maskasi yo‘q, maskasi eskiga kuladi.....
17. El og‘ziga maska tutib bo‘lmas!
18. Maskasi borning maskasi yo‘q bilan nima ishi bor?
19. Maskang kechagi bo‘lsa ham taqib ol!
20. Maskalar bor, maskalarning naqshidir, Maskalar bor, mikrob undan yaxshidir!
21. Yuzta maskasiz do‘stdan bitta maskali dushman afzal!
22. Oltin olma, maska ol, maska oltin emasmi?
23. Maskasiz birni yengar, maskali mingni!
24. Karantindan keyin maskani ... taq!
25. Maskali, senga gapiraman, maskasiz, sen eshit!

#Boshqalar #Ozbekona #Salomatlik
0
Buyurtmachi tayyor binoni qabul qilib olayotib 50 metr yerga qazib qurilgan quduqni ko‘rib qolibdi. Quduqni atrofini g‘isht bilan o‘rab, oxiriga katta chiroq ham o‘rnatilgan emish.
— Bu nima? – deb so‘rabdi prorabdan.
— Mana siz bergan loyiha chizmasi bo‘yicha qurdik, - deb chizmani uzatibdi prorab.
Buyurtmachi chizma tushirilgan qog‘ozni 180 graduska aylantirib:
— Axir bu 50 metrli minora edi-ku! – degan ekan.
#Erkaklar #Uddaburonlar #Boshqalar #Lof-yolgon
0
18 yoshga to‘lgan o‘g‘li bilan otasi gaplashib o‘tirib debdi:
— Eh o‘g‘lim, bizni davrimizda ham telegram, feysbuk, instagramlaring bo‘lgan.
— Qanaqasiga?
— Yo‘laklarga ismimizni yozib ketardik, ertasi kuni yonida izohlar qoldirib ketishardi...
#Yoshlar #Erkaklar #Internet #Oila
0
Tiqilinch avtobusda Abdusattor shimining cho‘ntagidan pul olish uchun o‘rnidan turib-o‘tirgan edi, tik turib ketayotgan 18 yo‘lovchini hayajonlantirib yubordi.
#Boshqalar
0

Latifa.uz loyihasi haqida

Latifa.uz - har kuni yangi va sara ichakuzdi latifalar, hangomalarni taqdim qilamiz. Turli mavzularda eng zo'r latifalar: er-xotin, sevishganlar, do'stlar, ishxona, bozor, haydovchilar, o'qituvchilar, shifokorlar, 8 mart, yangi yil, futbol, afandi va yana ko'plab mavzularda latifalar birinchi bo'lib bizning saytimizda chiqadi. Vaqtingiz maroqli o'tadi, do'stlar davrasi, choyxona va gaplarda bizning latifalarni aytib davrani bemalol qizdira olasiz. Dolzarb mavzularda kulguli rasmlar, yumorga boy dialoglar ham sizni mutlaqo befarq qoldirmaydi.

Ijtimoiy tarmoqlarda tarqalgan latifalarning aksariyati aynan Latifa.uz saytining kanal va sahifalaridan olinadi. Telegram, Instagram, Facebook, Twitter'da bizning latifalar orqali odamlar bir-biriga hush kayfiyat ulashadilar. Shu bilan birga saytimiz odamlarni kayfiyatini ko'targan holda yoshlarning savodxonlik darajasini oshirish, sifatli matnlar bilan ularni ko'proq mutoalaa qilishga qiziqtirish. Biz internetda seks, porno, zo'ravonlik hamda 18+ matnlarni tarqalishiga mutlaq qarshimiz. Beldan pastga tushmagan samimiy yumor bilan odamlarning hordig'ini mazmunli o'tishiga hissa qo'shish uchun astoydil harakatdamiz, yoshlar orasida erotika va pornografiya tarqalishini oldini olishni to'liq qo'llab quvvatlaymiz.

Agarda biron-bir latifa bo'yicha e'tirozlar bo'lsa, bizga habar bersangiz saytdan o'chirib tashlaymiz.

Boshqa loyihalarimiz

TVinfo.uz — Телепрограмма на сегодня, завтра и ближайшую неделю.
tvinfo.uz
DostavkaInfo — Каталог сервисов, предлагающих доставку еды, лекарств, книг и товаров для дома.
dostavkainfo.uz
Imlo.uz — Орфографический словарь узбекского языка позволяющий проверить правописание узбекских слов на латинице и кириллице. В базе более 87 000 слов.
imlo.uz
Lotin.uz — поможет транслитерировать с узбекской кириллицы на латиницу и обратно. Легко!
lotin.uz
Самая большая коллекция пословиц и поговорок на трёх языках (узбекский, русский, английский).
maqollar.uz
Полное, подробное значение, происхождение, формы узбекских имен. Узнайте значение имен себя и своих близких.
ismlar.com
Ежедневно только отборные анекдоты, смешные картинки. Кузница юмора на узбекском языке!
latifa.uz
Самый большой каталог телеграм каналов в Узбекистане. Только активные каналы по категориям и с подробной статистикой.
uztelegram.com
Bosh sahifaDodalariQidirishRuknlarQo'shish