Afandi vafot etibdi. Farishtalar uning savoblar va gunohlarini tarozida o‘lchab ko‘rsa, ikkalasi ham teng ekan. Farishtalar so‘rabdi:
— Qayoqqa tushmoqchisan? Jannatgami yo do‘zaxgami? Shunda afandi jannatga qarabdi. Hamma shaxmat, shashka o‘ynab o‘tirgan ekan. Keyin do‘zaxga qarabdi. U yerda diskoteka bo‘layotgan ekan. Afandi:
— Jannatga kirsam, zerikaman. Mayli do‘zaxga kira qolay, – deb do‘zaxga kiribdi. Kirishi bilan hamma bir-birini urayotgan ekan.
Afandi farishtalardan:
— Nega bunday bo‘ldi? – deb so‘rasa, farishta:
— Bu reklama edi! – degan ekan.
Bir odamga kasalxonada zudlik bilan qon quyish kerak ekan. Hamma qarindoshlari qonlarini tekshirtirib ko‘rishsa, birortasini qon guruhi to‘g‘ri kelmabdi. Shunda bemorni ukasi bir odamni topib kelibdi. Uni qoni to‘g‘ri kelibdi.
— Seni qoning to‘g‘ri keldi. Avval qon berib chiqasan. Keyin bemor o‘ziga kelsa, pulni olasan, - deyishsa, haligi odam:
— Yo‘q, avval pulni beringlar. Qon berishga va’da beraman, - debdi.
— Qon topshirib turavergin. Juda shoshilinch! – deyishibdi.
Haligi odam:
— Meni qonimni olgan odam va’dasida turmaydigan bo‘lib qoladi, - dermish.
Ishdan qaytgan er xotiniga debdi:
— Bugun ertalab shunchalik achchiq qahva damlab beribsanki, ishda umuman uxlolmadim.
Ona:
— Bolam, hovlidagi chelakda sut bor edi. Shuni olib kirgin.
Bola:
— Oyijon, chelakdagi sutga sichqon tushib qolibdi...
Ona:
— Voy, keyin nima qilding?
Bola:
— Sichqonni tutib olsin deb, sutni ichiga mushugimizni tashladim.
Ikki homilador qo‘shni ayol suhbatlashyapti.
— Siz nima kutyapsiz?
— O‘g‘il. O‘g‘il bola yaxshi-da! Erta kunda dadasini yoniga kirar ekan. Siz nima kutyapsiz?
— Men qiz kutyapman. Qiz yaxshi ekan. Erta kunda menga tayyor yordamchi!
Bularni suhbatini 5 yoshli qizaloq eshitib turgan ekan. Ko‘chaga chiqsa bekatda qorni katta amaki o‘tirgan emish. Qizcha so‘rabdi:
— Amaki, siz nima kutyapsiz, - desa, amaki:
— Avtobus, - debdi. Qizcha hayron bo‘lib:
— Voy!!! - dermish.
Otasi uni doktorga olib boribdi. Doktor bolaga savol bera boshlabdi:
— Isming nima?
— …urod
Otasi:
— Ismi Murod. Bosh harfini gapirolmayapti, - debdi.
Doktor:
— Bolakay, adang nima ish qiladi? – desa,
otasi shosha-pisha:
— Shu savolingizga o‘zim javob beraqolay, zamdekanman, - dermush.
Imtihon topshirayotgan boyvachcha talaba daftar orasiga 5000 so‘m qo‘yib: “Har bir ball uchun 1000 so‘mdan” deb yozib qo‘yibdi.
Imtihondan so‘ng daftarni ochib ko‘rgan talaba ichidan 3000 so‘m pul va “Qaytimingiz” dyegan yozuvni ko‘ribdi.
Bir kuni shayton bolalarini aylantirib yurgan ekan, yosh shaytoncha onasidan so‘rabdi:
— Oyijon, anavi o‘t yeb yurgan narsa nima?
— Bu sigir. U odamlarga sut, go‘sht beradi, - debdi onasi.
Yana biroz yurgach, shaytoncha onasiga debdi:
— Anavi nima?
— U tovuq. U odamlarga tuxum beradi. Go‘shtiham yeyiladi, - debdi shayton.
Uzoqda yurib ketayotgan odamlarni ko‘rib qolgan shayton bolasi:
— Anavi-chi? – debdi.
Ona shayton:
— Tez ketdik bu yerdan! Hozir bu odamzoti bir baloni boshlaydi-da, “Hammasi shaytonni ishi”, “Meni shayton yo‘ldan urdi” deb hamma aybni bizga ag‘daradi, - dermish.
— Ofitsiant, nega tovuq sho‘rvani ichida tovuqni ko‘rmayapman? Nima balo, qaynayverib yo‘q bo‘lib ketdimi?
— Nega yo‘q bo‘lib ketar ekan!? Tez chayinib, chiqib ketdi...
Shifokor bemorga:
— O‘zingizni qo‘lga oling, hozir sal boshingiz aylanib, ko‘zingizni oldi qorong‘ulashadi... Xizmat haqi uchun 300 ming so‘m to‘lang!
Latifa.uz loyihasi haqida
Latifa.uz - har kuni yangi va sara ichakuzdi latifalar, hangomalarni taqdim qilamiz. Turli mavzularda eng zo'r latifalar: er-xotin, sevishganlar, do'stlar, ishxona, bozor, haydovchilar, o'qituvchilar, shifokorlar, 8 mart, yangi yil, futbol, afandi va yana ko'plab mavzularda latifalar birinchi bo'lib bizning saytimizda chiqadi. Vaqtingiz maroqli o'tadi, do'stlar davrasi, choyxona va gaplarda bizning latifalarni aytib davrani bemalol qizdira olasiz. Dolzarb mavzularda kulguli rasmlar, yumorga boy dialoglar ham sizni mutlaqo befarq qoldirmaydi.
Ijtimoiy tarmoqlarda tarqalgan latifalarning aksariyati aynan Latifa.uz saytining kanal va sahifalaridan olinadi. Telegram, Instagram, Facebook, Twitter'da bizning latifalar orqali odamlar bir-biriga hush kayfiyat ulashadilar. Shu bilan birga saytimiz odamlarni kayfiyatini ko'targan holda yoshlarning savodxonlik darajasini oshirish, sifatli matnlar bilan ularni ko'proq mutoalaa qilishga qiziqtirish. Biz internetda seks, porno, zo'ravonlik hamda 18+ matnlarni tarqalishiga mutlaq qarshimiz. Beldan pastga tushmagan samimiy yumor bilan odamlarning hordig'ini mazmunli o'tishiga hissa qo'shish uchun astoydil harakatdamiz, yoshlar orasida erotika va pornografiya tarqalishini oldini olishni to'liq qo'llab quvvatlaymiz.
Agarda biron-bir latifa bo'yicha e'tirozlar bo'lsa, bizga habar bersangiz saytdan o'chirib tashlaymiz.