Geografiya darsida:
— Boltavoy, qani bizga Panama kanali haqida gapirib ber-chi!
— Ustoz , televizorimiz Milliy, Sevimli, My5 kanallarini ko‘rsatadi, lekin bunaqa kanalni ko‘rsatmaydi.
— Dugonajon, juda omadlisan-da...
— Nega unaqa deyapsan?
— Eringni aytaman-da... Seni hecham urishmaydi, jahl qilmaydi,...
— Axir u to‘rtinchi martta uylanishi...
— Nima bo‘pti?
— Avvalgi xotinlari bilan urushib, janjallashib bo‘lgan...
Ko‘p qavatli uylarning birida er-xotin yarim kechasi uxlab yotsa, eshik jiringlab qolibdi.
Shunda xotini erini turtib "Turing, erim keldi!" desa, eri yugurib borib balkondan sakrab yuboribdi.
O‘qituvchi:
— Valijon, Vatan bu nima?
Vali:
— Vatan - bu o‘rmonlar, dalalar, bog‘lar....
O‘qituvchi:
— Yo‘q sen adashding! Vatan - bu sening onang. Qani endi, Anvarjon, sen ayt-chi, Vatan nima ekan?
Anvar:
— Vatan Valining onasi ekan.
O‘qituvchi:
— Yo‘q, sen ham adashding! Vatan sening ham onang. Tushundingmi?
Anvar:
— Ha, tushundim.
O‘qituvchi:
— Nimani tushunding?
Anvar:
— Men Vali bilan aka-uka ekanligimni tushundim.
— Dugonajon qanday qilib bir oylik maoshni bir kunda sarflash mumkin?
— Maoshingni olgin, ko‘rsataman!
Ikki aka-uka yo‘lda ketayotib, olma daraxtiga ko‘zi tushibdi. Qarasa daraxtda bir dona olma qolgan ekan. Aka olmani ukasidan oldin olaman deb shoshib daraxtga chiqib borayotsa, olma pastga tushib ketibdi. Ukasi olmani olib yeb qo‘yibdi.
— Akasi daraxtdan tushib, ukasiga
— Ko‘rdingmi, men bilan yursang olma yeysan, - dermish.
Xotin eridan so‘rabdi:
— Azizim, agar men mabodo sizni tashlab ketsam, ko‘z-yosh to‘kmaysizmi?
Eri o‘ylani-i-i-ib turib:
— Ko‘z-yosh deysanmi? Har-har zamonda yig‘lab tursam kerak...
Xotini arazlab:
— Nega endi har-har zamonda? Har doim emas?
Eri:
— Ovqatga piyozni har doim ham to‘g‘rayvermasam kerak...!?
Er-xotin mashinada ketayotishsa, eri magnitofonni ovozini baland qilib, xotiniga "Eshit!", - debdi.
Sherali Jurayevni ''Birinchi muhabbatim'' qo‘shig‘i yangray boshlabdi. Er goh rulga mushtlar, goh "uf-f" deb bosh chayqatar ekan.
Buni ko‘rgan xotini janjal boshlabdi:
— Ha, qarigan chog‘ingizda...?! Birinchi muhabbatingiz yodingizga tushib qoldimi!? Uyatsiz, beandisha, sharmanda...
Er bo‘lsa yana bosh chayqatib:
— Eh xotin, nimalar deyapsan!? Chap tarafdagi kalonkadan "chars-chars" degan tovush chiqyapti. Yangisini olish kerak endi..., - dermish.
Sinfdosh do‘stlardan biriga dedi:
— Eshmat bilasanmi, sinfdoshimiz bor-ku Toshmat.
— Xo‘sh?!
— Juda puldan qiynalib qolgan ko‘rinadi.
— Yo‘g‘-e, nega? Qayerdan olding bu gapni?
— Kecha birrov ko‘rib o‘tay deb uyiga kiruvdim. Ishonasanmi, ikki qizi yonma-yon o‘tirvolib bitta pianinoni chalyapti!
Ginekolog qabuliga homilador ayol kirib:
— Ultratovush tekshiruvidan o‘tmoqchi edim, - debdi.
Vrach:
— Yaxshi. Siz hozir nechanchi oydasiz? - deb so‘rabdi.
— Menmi? Men beshinchi oy - maydaman. Siz qaysi oyda yashayapsiz doktor? - dermish ayol.
Latifa.uz loyihasi haqida
Latifa.uz - har kuni yangi va sara ichakuzdi latifalar, hangomalarni taqdim qilamiz. Turli mavzularda eng zo'r latifalar: er-xotin, sevishganlar, do'stlar, ishxona, bozor, haydovchilar, o'qituvchilar, shifokorlar, 8 mart, yangi yil, futbol, afandi va yana ko'plab mavzularda latifalar birinchi bo'lib bizning saytimizda chiqadi. Vaqtingiz maroqli o'tadi, do'stlar davrasi, choyxona va gaplarda bizning latifalarni aytib davrani bemalol qizdira olasiz. Dolzarb mavzularda kulguli rasmlar, yumorga boy dialoglar ham sizni mutlaqo befarq qoldirmaydi.
Ijtimoiy tarmoqlarda tarqalgan latifalarning aksariyati aynan Latifa.uz saytining kanal va sahifalaridan olinadi. Telegram, Instagram, Facebook, Twitter'da bizning latifalar orqali odamlar bir-biriga hush kayfiyat ulashadilar. Shu bilan birga saytimiz odamlarni kayfiyatini ko'targan holda yoshlarning savodxonlik darajasini oshirish, sifatli matnlar bilan ularni ko'proq mutoalaa qilishga qiziqtirish. Biz internetda seks, porno, zo'ravonlik hamda 18+ matnlarni tarqalishiga mutlaq qarshimiz. Beldan pastga tushmagan samimiy yumor bilan odamlarning hordig'ini mazmunli o'tishiga hissa qo'shish uchun astoydil harakatdamiz, yoshlar orasida erotika va pornografiya tarqalishini oldini olishni to'liq qo'llab quvvatlaymiz.
Agarda biron-bir latifa bo'yicha e'tirozlar bo'lsa, bizga habar bersangiz saytdan o'chirib tashlaymiz.