Tog‘da cho‘pon qo‘ylarini haydab ketayotsa, qo‘l telefoni jiringlab qolibdi.
Telefon ovozini eshitgan qo‘ylar taqqa to‘xtab, cho‘pon tomonga qarashibdi. Cho‘pon esa, kim bilandir gaplashib bo‘lgach, telefonni cho‘ntagiga solib, qo‘ylariga:
— Xavotirlanmanglar, meni so‘rashibdi! - degan ekan.
O‘qituvchi:
— Abdulla, senga savol! "Qavat-qavat to‘ni bor, chiroyligina yuzi bor»?
Abdulla:
— Atirgul!
O‘qituvchi:
— Yo‘q, bu - karom.
Abdulla:
— Maylimi, endi man topishmoq bersam? U besh harfdan iborat, bosh harfiyam oxirgisiyam "Q"…
O‘qituvchi:
— Voy, quloqsiz bola! Nimalar deyapsan!?
Abdulla:
— Ustoz, to‘g‘ri javob - Quloq! Siz topdingiz!!!
Bir kuni afandi farzandli bo‘libdi. Oradan bir yil o‘tibdi farzandi birinchi aytgan so‘zi "Tovuq" bo‘libdi. O‘sha kuni tovuq o‘lib qolibdi. Keyin "Sigir" desa, u ham ertasiga o‘lib qolibdi.
Afandi o‘g‘liga:
— O‘g‘lim "Dada" demagin, iltimos, - debdi.
2 kun o‘tib, bolasi "Dada" degan ekan afandi uyiga kirib, ko‘rpa-to‘shak qilib yotib olibdi. Bir kun o‘tarmish, o‘lmasmish. 2 kun o‘tarmish, o‘lmasmish.
Uchinchi kuniga xotini kirib:
— Chiqing adasi. Qo‘shnimiz Qo‘chqor aka o‘lib qolibdilar, - degan ekan.
Afandining bir eshagi bor ekan. Tinmay ishlatar ekan. Bir kuni eshak charchab o‘tirib qolibdi. Shunda afandi rosa uni uribdi.
Eshak o‘ziga o‘zi "Tavba, shuncha ishlasam, yana eshakday uradi-ey" debdi.
O‘quvchi Teshavoyga tanbeh beribdi:
— Har kuni besh baho olarding. Bugun uyga vazifani bajarmaganing uchun ikki qo‘yaman. Mana "2" senga. Teshavoy qizishib debdi:
— Ustoz, dadamga aytuvdim, uyga vazifani bajarmasangiz o‘qituvchimiz ikki qo‘yadi deb. Oyim uyda yo‘qligi uchun dadam uyga vazifani bajarolmadi.
Oylik maosh bu - pora olishni bilmaydiganlar uchun berilgan jazodir!
Bir kuni er-xotin gaplashib o‘tirib eri debdi:
— Xotin sen erkak bo‘lganingda nima qilar eding?
Xotini:
— O‘zingiz-chi? - dermish.
Er uyiga qaytsa, xotini dasturxon bezatib, unga tort qo‘yibdi. Tortni ustida 20 dona sham turgan ekan. Eri hayron bo‘lib:
— Kimni tug‘ilgan kuni ekan? - so‘rabdi.
Xotini zardali ovozda:
— Palto oberganizga 20 yil bo‘ldi! - dermish.
Vrach bemorga debdi:
— Havotir olmang. Bu yuragingiz bilan 70 yoshga bemalol kirasiz.
— Doktor, axir hozir men 70 daman-ku?!
— Ana, axir sizga nima degandim...
Ikkita Gai xodimi xizmat mashinasida ketayotishsa, oldidagi mashinaning oynasiga yopishtirilgan reklama yozuviga ko‘zi tushibdi: "Avtomobil sotiladi. Quyidagi telefon raqamiga qo‘ng‘iroq qiling".
Gai xodimlari haydovchini telefonda gaplashgani uchun jarimaga tortmoqchi bo‘lib, e’londa ko‘rsatilgan raqamga qo‘ng‘iroq qilishibdi.
— Allo, e’lon bo‘yicha so‘ramoqchi edim.
— Ha, albatta. So‘rayvering, - debdi telefonini "Baland ovoz" rejimiga o‘tkazib qo‘ygan haydovchi.
Gai xodimi haydovchini gapga solaveribdi. Birozdan keyin Gai haydovchiga:
— Iltimos telefoningizni qo‘lingizga olib gaplashsangiz, yaxshi eshitilmayapti, - desa, haydovchi:
— Jon deb gaplashardim. Faqat ortimdan boyadan beri bittasi dumga o‘xshab ergashib kelyapti-da. Bilasiz-ku, bularga bahona topilsa, darrov to‘xtatishadi! - dermish.
Latifa.uz loyihasi haqida
Latifa.uz - har kuni yangi va sara ichakuzdi latifalar, hangomalarni taqdim qilamiz. Turli mavzularda eng zo'r latifalar: er-xotin, sevishganlar, do'stlar, ishxona, bozor, haydovchilar, o'qituvchilar, shifokorlar, 8 mart, yangi yil, futbol, afandi va yana ko'plab mavzularda latifalar birinchi bo'lib bizning saytimizda chiqadi. Vaqtingiz maroqli o'tadi, do'stlar davrasi, choyxona va gaplarda bizning latifalarni aytib davrani bemalol qizdira olasiz. Dolzarb mavzularda kulguli rasmlar, yumorga boy dialoglar ham sizni mutlaqo befarq qoldirmaydi.
Ijtimoiy tarmoqlarda tarqalgan latifalarning aksariyati aynan Latifa.uz saytining kanal va sahifalaridan olinadi. Telegram, Instagram, Facebook, Twitter'da bizning latifalar orqali odamlar bir-biriga hush kayfiyat ulashadilar. Shu bilan birga saytimiz odamlarni kayfiyatini ko'targan holda yoshlarning savodxonlik darajasini oshirish, sifatli matnlar bilan ularni ko'proq mutoalaa qilishga qiziqtirish. Biz internetda seks, porno, zo'ravonlik hamda 18+ matnlarni tarqalishiga mutlaq qarshimiz. Beldan pastga tushmagan samimiy yumor bilan odamlarning hordig'ini mazmunli o'tishiga hissa qo'shish uchun astoydil harakatdamiz, yoshlar orasida erotika va pornografiya tarqalishini oldini olishni to'liq qo'llab quvvatlaymiz.
Agarda biron-bir latifa bo'yicha e'tirozlar bo'lsa, bizga habar bersangiz saytdan o'chirib tashlaymiz.