Интернет ҳақида латифалар

Эри компьютерда ўйин ўйнаб ўтирса, хотини ёнига келиб:
— Адаси, менга-ям беринг. Бироз ўйин ўйнай, - дебди.
Эри бўлса асабийлашиб:
— Овқат қилаётганингда бирор мартта чўмични сўраганманми сендан?! - дермиш.
— Одноклассникига кириб, ўзимга янги саҳифа очдим. Чиройли бир қизни расмини жойлаштирдим.
Эрим билан танишиб олдим. У меҳмонхонада, мен эса ошхонада ўтириб, одноклассникида гаплашяпмиз.
Эрим мени учрашувга таклиф қиляпти. Ўзим меҳмонхонага чиқсаммикин ёки уни ошхонага чақирсаммикин...?
Смс суҳбати:
— Салом яхши қиз!
— Салом!
— Танишсак бўладими? Исмингиз нима?
— Меникими? Шоҳида.
— Меники эса баргида.
Биласизми, блоггерлар интернетдан олдин ҳам яшаган. Фақат уларни олдин сафсатабозлар деб аташган.
Ҳозир кимдир ўз севган қизини қўлини ушлаб турибди. Сен бўлса телефонни ушлаб ўтирибсан...
Норасмий статистик маълумотларга қараганда, ёшларнинг баджаҳл ва асабий бўлиб қолаётганига асосий сабаб бу – “қотиб ишлаётган” интернет экан.
Сен ҳақингда ҳамма нарсани биламан:
1. Ҳозир Интернетда ўтирибсан.
2. Сен сайтдасан.
3. Сен ҳозир буни ўқияпсан.
5. 4-банд йўқлигини пайқамадинг.
6. Ана, текшириб кўряпсан.
7. Энди жилмайдинг.
latifa.uz сайти билан ҳамиша кайфиятинг аъло бўлсин.
Бир қиз интернетда ўтирган экан, қўшни хола кириб:
— Қачон қарасам шу компьютеринг олдида ўтирасан. Нима қизиқ нарсалар бор бу ерда?, - деб сўраб қолибди.
Қиз эса:
— Интернетдаги "Google" ни сизга тушунтираман. Мана қаранг, нимани хоҳласангиз топиб беради, - дебди.
Қўшни аёл ҳам қизиқиб:
— Нима сўрасам ҳамма-ҳаммасини топиб берадими?
— Ҳа, хамма нарсани топади. Хоҳласангиз мана ёзиб, излаб кўринг.
Қиз клавиатурани қўшни холага бериб, ўзи чой дамлаб келиб қараса, экранда шундай ёзувлар турган экан:
"Ассалому алайкум ҳурматли Гугл ака! Илтимос, менга эримнинг жазмани қаерда яшашини топиб берсангиз!"
Бир йигит дўстига телеграмдан:
— Энди қоғоз хатлар орқали гаплашсак нима дейсан?, - деб ёзибди.
Анча танаффусдан сўнг унга жавоб келибди:
— Нима Алишер, қамоққа тушдингми?
...Статусимга: "Меҳмонда яхши, лекин ўз уйингда... яланғоч ҳам юрса бўлади"...Статусимга жавобан бир шилқим комментарий қолдирди:
— "Менинг уйим, сенинг уйинг"