Futbol ishqibozi o‘g‘lini erkalatyapti:
— Meni yolg‘izim, shirin bolam, kelajagim meni! Sen meni hayot o‘yinimda urgan golimsan! Shunda xotini eriga qarab:
— Men-chi adasi? – debdi.
Shunda er xotiniga:
— Sen ham urgan golimsan. Faqat o‘z darvozamga urib qo‘ygan – avtogolsan, - dermish.
Suzish bo‘yicha musobaqa ketmoqda. Bir jamoaning ikki ishtirokchisi marra tomon suzib bormoqdalar:
— Suzib o‘tolmaymiz shekilli.
— Suzib o‘tamiz! 50 metr qoldi.
— Suzib o‘tolmaymiz.
— Suzib o‘tamiz! 30 metr qoldi.
— Yo‘q! Aniq suzib o‘tolmaymiz!
— 10 metr qoldi. Balki suzib o‘tarmiz?! Ha, mayli orqaga qaytdik. Suzib o‘tolmaydiganga o‘xshaymiz...
Messi:
— Siz to‘pni qayerga tepasizlar?
O‘zbek futbolchilari:
— Sen ko‘zingni yumib qayerga tepsang, biz ham o‘sha yerga tepamiz.
Ertalab trenirovkaga, tushdan keyin maktabga boradigan o‘g‘limning ertaga ertalabki mashg‘ulotlari qoldirilgani eshitib, o‘zimcha unga buyurib qo‘yadigan ishlarimni rejalashtirdim.
— Xo‘sh, ertaga nimalarni rejalashtirding?, -so‘radim undan.
— Nimani bo‘lardi, ertalab o‘rnimdan turmay ko‘proq uxlashni, - javob berdi u.
Futbolga mukkasidan ketgan onaxondan intervyu olishyapti:
— Mana siz ayol kishi. Qanday qilib bunchalik futbol ishqoboziga aylangansiz?
Onaxon ko‘p o‘ylamay, javob beribdi:
— Bolam, men aslida futbolga umuman qiziqmasdim. Shu, turmushga chiqqanimdan keyin bobong har kuni kechqurun futbolni ko‘rishga majburlardi. Men o‘yinni ko‘rib, kim gol urdi, kim kartochka oldi, hamma tafsilotlarni yozib olardim. Ertalab bobongiz men yozganlarni o‘qib olardilar.
— Ie, nega bunaqa qilardilar?
— Choyxonaga borganlarida o‘rtoqlariga gap bermay, vaysash uchun-da...
— Onaxon, yaxshi-yam choyxonadagi muhokamaga sizni olib bormas ekanlar. Bo‘lmasa hozir boshqa chol bilan yashayotgan bo‘larmidingiz...?!
Ronaldo bolalariga "Ishga ketyapman" deb, futbol o‘ynagani borarkan.
Futbolimizni yaxshilashni eng yaxshi yo‘li:
Oldin ularni hammasini dalaga haydash kerak. Keyin hozirgi hayotini qadriga yetib, ozgina tezroq yuguradigan bo‘lishadi.
Eshkakchilar o‘rtasida musobaqa o‘tkazildi. Har bir qayiq 9 kishini ko‘tara olar edi. Yaponiya eshkakchilari g‘olib bo‘libdi. Biznikilar esa eng oxirgi.
Natija tahliliga ko‘ra yaponlar qayig‘ida 1 ta boshliq va 8 ta eshkakchi bor ekan.
Biznikilar guruhda esa 1 ta umumiy boshliq, 3 ta o‘rinbosar, 4 ta bo‘lim mudiri va 1 ta eshkakchi bor edi. Biznikilar darrov mag‘lubiyat sababini aniqlashdi. Eshkakchi aybdor! U ishdan ketibdi.
Ikki do‘st suhbati:
— Do‘stim, yuzingga nima bo‘ldi? Hamma yog‘ing ko‘karib ketibdi-ku?!
— Kecha trenajyor zaliga borgandim. Bir baquvvat yigitni qo‘lidan tosh tushib ketsa bo‘ladimi!?
— Buni yuzingga nima aloqasi bor?
— Kulmasam bo‘larkan...!
Ikkita odam kafeda ovqatlanib bo‘lgach, ofitsiantga qarab:
— Hisob qancha bo‘ldi? - debdi.
Ofitsiant futbol muxlisi ekan:
— Liverpul-Brayton 1:0, - debdi.