Телевизор ҳақида латифалар

Чоли-кампир телевизор кўришяпти. Кампир бошқа каналга олаётса, футбол чиқиб қолибди.
— Тўхта! Шуни кўрамиз! - дебди чол. Кампири:
— Э, бу ўтиб кетган, эски ўйин-ку! - деса, чол кўзойнагини тақиб, телевизорга бироз тикилиб туриб:
— Эски ўйинга шунча мухлис кирибдими-а!? - дермиш.
— Доктор, менга кўнгил айнитадиган дори ёзиб берсангиз...!
— Телевизорни ёқинг, айниб кетади.
Миллион савол-жавоб ўйинида юз миллион учун баҳс кетмоқда.
Бошловчи:
— Ҳурматли Эшмат, сизга биринчи савол: Беморга ёзилган шифокор рецептидан Цитромон дориси деган сўзни топинг.
а).∕ł∕łł∕ł.∕∕łł∕ł
б).∕ł∕ł.∕łł.∕ł∕ł.∕łł
с)łłრ.∕ł∕łฑ.∕łłน.∕ł∕ł
— Ўртоқ командир, телевизор кўрсак бўладими?
— Кўринглар. Фақат ёқманглар.
Кино шинавандаларининг суҳбатидан:
— Ўзбек кинолари ҳақида билмаганлар нима дейди?
— Ўзбек киноларини билмаганлар, ўзбекларда қайноналари ёвуз, бемеҳр ва “заҳар” бўлар экан. Келинлари оилада хизматкор экан, куёвлар онасини “чизган чизиғидан чиқмайдиган”, қайноталарнинг эса оилада умуман ўрни йўқ экан дейди.
— Билганлар-чи, билганлар?
— Билганлар «Ол бошқа каналга...» дейди.
Телевизордаги рекламадан:
“Ҳар тонг уйғонганингизда ўрнингизга қаҳва олиб келишса яхши. Лекин ўриндиғингиз билан сиз истаган кафега элтиб қўйишса, ундан-да аъло бўлади!”.
Статистик маълумотларга қараганда, бу савол бугун Ўзбекистон аҳолисининг 99%ни қийнаётган экан.
Бундан олдин ҳам неча неча доно кишилар бу саволнинг жавобини топиша олмабди.
Ўйлаб кўринг, балки бу саволнинг жавобини сиз топарсиз.
Савол эса бундай:
— Канго, қани канго???
Бир одам йўлакда тамаки чекиб турса, қўшнисини уйидан додлаган овоз эшитилибди.
Зур ўтмай, қўлида синган 3D кўзойнаги билан ташқарига югуриб чиқибди.
Бояги одам:
— Ҳа қўшни, тинчликми? - деса, қўшниси:
— 3D телевизор сотиб олгандим. Бир пайт қарасам, даҳшатли динозавр устимга бостириб келяпти..., - дермиш.
Ярим тунда бир аёлнинг телефони жиринглабди:
— Алло, ким бу?
Гўшакдан маст эркакнинг овози келибди:
— Ҳозир мен телефонда гапиряпманми?
Аёл асабийлашиб:
— Йўқ, телевизорда гапиряпсан!
— Вой, жонли эфирга кийимсиз чиқдимми?!
— Алло, бу Теххизматми?
— Ҳа!
— Айтинг-чи, Ноутбукимни телевизорга қандай уласам бўлади? Кино кўрмоқчи эдим...
— Сим билан уланг!
— Улаб бўлмаяпти-ку!?
— Телевизорингизни русуми қандай?
— Рекорд 312
— Унда экранни ўртасига скотч билан ёпиштириб қўйинг!