Ўқитувчи ўқувчиларга футбол ўйини ҳақида иншо ёзиб келишни буюрди. Сарвар нима деб ёзишни билмай узоқ ўйлади ва охири ёзди:
“Қаттиқ ёмғир ёғаяпти. Майдон сирпанчиқ. Ўйин қолдирилди”.
Ўқитувчи тўполончи ўқувчининг танобини тортиб қўйиш учун унга савол берибди:
— Қани, менга осмонда нечта юлдуз борлигини айтиб бер-чи.
— Юз мингта юлдуз бор, - иккиланмай жавоб берибди ўқувчи.
— Яхши. Кечқурун санаб текшириб кўраман.
Эртаси куни ўқитувчи яна ўша ўқувчини саволга тутибди:
— Жавобинг нотўғри экан. Осмонда 9997 та юлдуз чиқди.
Ўқувчи чапак чалиб юборибди:
— Айтгандим-ку, юз минг юлдуз бор деб. Кеча тунда учта юлдзуз учганини қўшсангиз жавоб тўғри бўлади.
Мактабдан қайтган қизидан отаси сўрабди:
— Ҳўш қизим, мактабингда нима янгиликлар?
Қизи:
— Мактабимиз ёнидаги сомсахонада нархлар ошибди ада...
— Ўртоқ командир, телевизор кўрсак бўладими?
— Кўринглар. Фақат ёқманглар.
Онаси ўғлига:
— Ҳафта бошидан янги ҳаёт бошламоқчимиз. Мен озишни бошлайман, аданг чекишни ташлайди. Сен нима қилмоқчисан?
— Мен ўқишни ташламоқчиман!
Университетни тамомлаган чиройли, ёш қиз мактабга немис тилидан дарс бериш учун келибди. Мактаб директори ёш ўқитувчини текшириш мақсадида, у дарс ўтаётган хонага кириб, охирги партадаги ўқувчининг ёнига жойлашибди. Ёш муаллима доскага немис тилида жумла ёзиб, болалардан сўрабди:
— Қани, ким доскадаги ёзувни таржима қилади?
Орқа партада, директорни ёнида ўтирган бола қўлини кўтариб:
— Бугун учрашсак бўладими? деб ёзилган устоз, - деса, ўқитувчини жаҳли чиқиб:
— Нима? Вой тарбиясиз-ей! Нарсаларингни йиғиштир-да, йўқол!!!
Бола нарсаларини йиғиштириб, директорга қараб, йиғламсираб дебди:
— Немисчани таржима қилишни билмаскансиз, нима қилардингиз менга ўргатиб?!...
— Янги йил байрамида соат 12:00га бонг ураётса, бир эркак ният қилибди:
"Шу йили соҳибжамол, чиройда тенгсиз қизлар билан танишиб олай...! "
— Хўш, танишибдими чиройли қизлар билан?
— Ҳа, албатта! Хотини яна иккита эгизак қизалоқларни туғибди...
— Ботир, сен инглиз тилини биласанми?
— Ҳа, биламан.
— Бўлмаса, айтчи “nothing” сўзи нимани англатади?
— «Ҳеч нима».
— Бўлиши мумкин эмас! У ниманидир англатиши керак!
Ёш бола дўконга кириб:
— Асал беринг, - деб сотувчига идишини узатибди.
Сотувчи идишни асалга тўлдиргач, болакай унга:
— Пулини адам кечқурун бериб кетадилар, - дебди. Жаҳли чиққан сотувчи, — Йўқ, - дебди-ю, асални қайта тўкиб олибди.
Дўкондан чиққан болакай қўлидаги идиш ичига қараб:
— Адам рост гапирган эканлар. Бу ерда иккита нонга суртса етадиган асал чиқади, - дермиш хурсанд бўлиб.
Ўғил:
— Дада менга 5000 сўм берсангиз, кечаси ойим ким билан ухлаганларини айтаман.
Отанинг жаҳли чиқиб
— Мана 5000 сўм. Ойинг ким билан ухлаганини тез айт!!!
Ўғил:
— Мен билан ухладилар...