— Ойижон, сиз фаришталар учиб кетади деган эдингиз-а?
— Ҳа, қизим.
— Дадам хизматкор опани "фариштам” — деди. Хизматкор опа энди қачон учади?
— Ие, ростан-а? Унда бугуноқ учади.
Бугун раҳбаримиз 5 ёшли қизалоғини ишхонага олиб келди. Қизалоқ ҳамма ёқни кузатиб ўтириб, ёнимга келди-да деди:
— Адам сизларни қул қилиб сотиб олганми?
— Ҳа, - дедим мен ҳам кулиб.
Шунда қизалоқ меҳрибон оҳангда:
— Хавотир олманг, катта бўлсам ҳаммангизни ўзим озод қиламан, - дейди.
Бувиси набирасидан сўрабди:
— Намунча кўп сув ичяпсан?
— Олма егандим.
— Хўш, нима бўпти?
— Уни ювмасдан егандим...
Футбол матчида томошабинлардан бири, ёнида ўтирган ёш боладан сўрабди:
— Сен бундай қиммат билет учун пулни қаердан олдинг?
— Дадам олиб берди.
— Даданг қани ўзи?
— Уйда... билетни қидиряптилар.
Ўғли онасидан сўрабди:
— Ойижон сизни кўзингиз қоронғида кўрадими?
— Йўқ, кўрмайди, нимага сўраяпсан?
— Кеча кечқурун дадамдан соқолингиз ўсибди деганизга, - дебди.
Бақалоқ отадан кичкинтой ўғли сўраяпти:
— Дада, сиздаям "пресс" борми?
Ота:
— Пресс ёш болаларда бўлади. Катталарда қорин бўлади, - дебди.
— Мени энг яқин дўстимни нега шарманда қилдинг? Сени синф раҳбаринг билан ҳиёбонда қўл ушлашиб ўтирганини ҳаммага гапириб бериш шартмиди, ўғлим?
— Синф раҳбаримни ўзлари илтимос қилдилар-да!
— Қанақасига ахир?
— Аҳмедов, нега орқа партада хингиллаб ўтирибсан. Доскага чиқиб сабабини айт! Бизлар ҳам кулайлик, - дедилар ўқитувчим. Кейин мен гапириб бердим...
Бир куни ўқитувчи дарс ўтиб турганида 3та ўқувчи кечикиб келибди. Ўқитувчи 1-ўқувчидан:
— Сен нега кечикиб келдинг ?
Ўқувчи:
— Мен бозорда пойабзал сотаман, шунинг учун кечикдим, - деб жавоб берибди
Ўқитувчи хурсанд бўлиб:
— Размеримни биласана? - деб киритибди
2-ўқувчидан сўрабди:
— Сен нега кечикиб келдинг?
Ўқувчи:
— Мен бозорда газлама сотаман, - деб жавоб берибди
Ўқитувчи яна:
— Размеримни биласана? - деб киритибди.
3-ўқувчидан сўрамасдан жойига ўтказган экан...
Ўқувчи:
— Устоз мен гўрковман, сизнинг размерингиз нечи? - деб сўрабди.
Ўқитувчи савол берди:
— Қўлсиз, оёқсиз эшик очар бу нима Ахмат?
— Бу мени дадам!
— Ўтир хазилкаш бу нима деганинг!?
— Устоз тўғри-ку, дадам ичиб келган кунлари қўл оёқларини ишлатмай, боши билан эшикни суриб кирадида уйга...
Бир куни ширингина Латифа, ойисидан сўрабди:
— Ойижон нимага мени исмимни Латифа қўйгансиз? - деса
Афанди дадаси:
— Ойинг Табассумхон, мен Афанди бўлганимдан кейин, сен ҳам Латифа бўласанде қизим, — дермиш