Бир куни Хошимжон сеҳрли қалпоқчага қараб ўпкаланиб:
— Сени кийиб Америка очмоқчи бўлибман-а. Ээ, қўйе-е, - деса
Сеҳрли қалпоқча ҳам бўш келмай:
— Мен ҳам мени Америка очадиган калла кияди, деб ўйлапман-а, э, бор-ее, - дермиш.
Бир аёл ўғлини сўкяпти:
— Аҳмоқ, ялқов, дангаса. Ҳудди дадангни ўзисан.
Шу пайт эрининг жаҳли чиқиб:
— Ҳой, нималар деб шанғиллаяпсан???
Аёл:
— Сиз аралашманг! Сизга тегишли гап бўлаётгани йўқ!
Мактабнинг биринчи синфга келган ўқувчиларга ўқитувчиси тушунтирибди:
— Азиз болажонлар! Мактабда тўполон қилиш, баланд овозда гаплашиш, одобсизлик қилиш мумкин эмас. Агар бирор нима сўрамоқчи бўлсангиз, қўлингизни кўтариб мурожат қилинглар.
Шу заҳоти болалардан бири қўлини кўтарибди.
Ўқитувчиси:
— Нимани сўрамоқчисан Алишер?, - дебди таажжубланиб.
— Ҳеч нимани. Шунчаки, тушунтираётган тизимингиз қанчалик аниқ ишлашини текшириб кўряпман.
Ота 9 ёшли ўғлига:
— Менга қара, нега сен "Бола тарбияси" тўғрисидаги китобни ўқияпсан?
Ўғилнинг жавоби:
— Мени тарбиялашда ҳаддиларингдан ошмаяпсизларми йўқми, шуни назорат қилмоқчиман.
Бир бола соқов экан. Ота-онаси кўрсатмаган табиб-у, доктори қолмабди. Ҳечам гапирмабди. Охири ота-онаси гапиришидан умидини узишибди. Бир куни овқатланиб ўтиришса, соқов бола:
— Шўр экан, - дебди.
Шунда онаси:
— Вой ўғлим, гапирдингми?! Яна бир қайтар...
— Шўр экан овқатингиз!
Ота-она ўзида йўқ хурсанд...
— Сен бола гапираркансан, нега бизни шунча йил қийнадинг? Нимага шу пайтгача индамадинг, - дейишса, бола:
— Шу пайтгача овқатингизни тузи яхши эди-да, - дермиш.
5 ёшли қиз ўғил бола қўшнисига мақтанибди:
— Дадамни автомати бор.
Бола эса:
— Мани дадамни пушкаси бор.
Қиз:
— Мани дадамни танкаси бор.
Бола:
— Мани дадамни ракетаси бор.
Қиз:
— Мани дадамни бомбаси бор.
Бола нима дейишни билмай:
— Аа, сан деворга сиёмийсаан...
Ота ва ўғил ўтиришибди.
Бола:
— Дада алкаш нима дегани?
Ота:
— Алкаш у анави 2та дарахтни кўраяпсанми, ўша дарахтларни 4та кўради, тушундингми?
Бола:
— Дада у ерда битта дарахт-ку, - дермиш.
Она ўғлидан сўради:
— Ўғлим қарачи даданг келяптими?
— Ҳа, келяптилар.
— Даданг йўлни қайси четида келяптилар?
— Иккала четида ҳам онажон!
— ... яна ичибди...!
Ҳозир 3 ёшли болакайлар компьютерда ишлашни, селфи суратга олишни билишади. Мен-чи, шу ёшимда қора сақични чайнаб, магнитофонда кассета эшитиб юрардим.
Ўғил отасидан сўраяпти:
— Дада, қадимда эркаклар турмуш ўртоғини тўйдан кейингина танишган экан-а?
— Ҳозир ҳам шундай, тўйдан кейин кимлигини биласан уларнинг...