Эълонлар тахтасидаги ёзувдан:
"Келишган йигит билан турмуш қурмоқчиман. Уни ёнида кўп овқат ейишга уялиб озиш ниятидаман. Етарлича озганимдан сўнг, ажрашиб кетишимиз ҳам мумкин".
Эркак ярим тунда хотинини уйғотиб:
— Тур, кўзойнагимни олиб бер!
— Ярим кечада нима қилмоқчисиз?
— Қизиқарли туш кўраётган эдим, кўзойнакда яхшироқ кўраман-да!
Мушук сичқонни тутиб олиб, сўрабди:
— Яшашни истайсанми?
Сичқон ҳам, кўзини сузганча, сўрабди:
— Ким билан?
— Ўл, суюқ оёқ бузуқи, иштаҳани расво қилдинг!
Вагон кузатувчиси Гулмира йўловчилардан чарчаган вақтида, уларнинг чойига уйқу дори қўшиб беради.
Агар-да зерика бошласа, "Уммон"ни қўшиқларини қўйиб беради.
Қизлар йигитила ичмаса, чекмаса, қизла билан гаплашмаса, ҳар ярим соатда тел қилиб турса, SMSилага ҳали доставлено кемасидан ответ ёзса, силарга хиёнат қилмаса, кўчада дайдиб юрмаса, фақат силани севса, эрталабдан кечгача ёнилада юрса, кўзи бошқа қизларни кўрмаса --> туртиб кўрилачи ўлиб қомаганмикан.
Голливудда ўтказилган мукофотлаш маросимида ҳозиргача "Оскар" мукофотига олти марта даъвогарлик қилган Леонардо Ди Каприо ниҳоят "Оскарга энг кўп маротаба даъвогарлик қилган шахс" номинацияси бўйича тақдирланди.
Сузишни билмайдиган балиқ, учиш, юриш ва ёзишни ўрганибди..
Бир куни бир киши ёнидаги шеригига:
— Ўртоқ яқинда янгича овқат чиқибди
— Йўғ-е уни номи нима экан?
— Уни номи «Намунча»
— Бу овқатинг қанча тураркан?
— 90 000 минг сўм
— Намунча...
— Ана айтдим-ку!
— Кеча қўшнимизни машинасидаги чанг устига "Мени ювинтир" деб ёзиб қўйсам, у бугун мени автомобилимга "Кирсанг юваман" деб ёзиб кетибди.
Икки янги бой суҳбатлашмокда. Бири иккинчисига дебди:
— Эшитишимча, Италиядан вилла сотиб олаётганмишсан...
— Ҳа, фирмам типратиканлар экспорт қилиб бойиб кетди, шунинг ҳисобидан сотиб оляпман!
— Қанақа типратикан?
— Фирмамиз қишлоқ хўжалиги зараркунандаларига қарши курашиш учун Европага типратикан экспорт қилади. — Менга қара, оғайни, бунча типратиканни қаердан топаяпсан?
— Бу жуда оддий: каламушни оласан-да, терисини лаклаб, фен билан қуритасан!