Oila haqida latifalar

Ikki dugona suhbatlashmoqda:
— Nega nikoh uzugingni boshqa barmog‘ingga taqib olding?
— Chunki boshqa insonga turmushga chiqqanimni tushunib oldim.
Xotin erini yoniga kelib debdi:
— Adasi, ertaga onamni tugʻilgan kunlari, nima sovgʻa qilamiz?
— Onang nechi yoshga toʻladilar? – soʻrabdi eri.
— 50ga toʻladilar. 50 ming beramizmi? – debdi quvonib.
Er:
— 50 ming yoshga toʻlmayaptilar shekilli!? – debdi jahl bilan.
Bir qizaloqdan soʻrashibdi:
— Dadangni yoshi nechida?
— Toʻrtda, - debdi qizcha.
— Qanaqasiga? – deyishsa,
— Dadam men tugʻilgandan keyin, dada boʻlganlar, - debdi.
Ikki doʻst suhbatlashmoqda:
— Doʻstim, mana seni 37 ta bolang bor ulardan nima foyda koʻrding? - debdi.
Doʻsti:
—Eh doʻstim, hamma foyda shularda-ku!
— Qanday qilib?
— Agar ichib kelsang, xotining oʻqlov koʻtarib senga tashlanadi. Shunda talpani ichiga oʻzingni otasan, - dermish.
Bolakaylarning hech qachon tugamaydigan savollariga aqlli otalar shunday javob berishadi:
— Adajon, qachon pulingiz ko‘payadi?
— O‘g‘lim, nega oyim qachon sizdan kamroq pul so‘raydigan bo‘ladilar demaysan?!
Er-xotin ajrashish uchun sud zaliga kelishdi.
Xotin:
— Janob sudya, erim oshxonadagi barcha idish-tovoqlarni sotib, pulini “ichib” yuboribdi. Bu er bilan ortiq yashay olmayman!
Er:
— Men ham bunaqa xotin bilan yashay olmayman! Oshxonadagi idishlar yoʻqligini uch haftadan keyin bildi-ya!?
Ishga shoshilib chiqib ketayotgan erini xotini to‘xtatibdi:
— To‘xtang-chi adasi. Hech narsani unutmadingizmi? – debdi har kuni ishga ketishdan avval bolalari bilan hayrlashib ketishi kerakligini eriga eslatmoqchi bo‘lib...
Eri shoshib-hovliqib cho‘ntagini kavlabdi-da 10 ming chiqarib, xotiniga berib “Boshqa yo‘q, ushla! Bori shu!” deb yugurib chiqib ketavergan ekan..
Bir erkak uyiga har kuni ichib kelar, ertalab tursa hamma yog‘i momataloq, cho‘ntagida pullari yo‘q bo‘lar ekan.
Bir kuni uyiga ichmasdan kelib, ataylab ko‘zini yumib yotsa, xotini bilan bolalari tayoq olib kelib, endi urmoqchi bo‘layotganlarida o‘rnidan turib:
— Ha, demak bu senlarni ishlaring ekan-da!? – deb hammasini quvlab ketgan ekan.
Sovchilardan qizni onasi so‘rabdi:
— O‘g‘lingiz qayerda ishlaydi?
Sovchilar:
— GM avtosalonida, dogovor tarqatuvchi bo‘lib ishlaydi..
Buni eshitib qolgan qizni otasi:
— Qizimiz sizlarniki, - dermish.
Hurmatli erkaklar! Xotiningiz bozorda qimmat ko‘ylak kiyib olib, “Shuni olib berasiz!” deb turib olishsa, buni yo‘li juda oddiy.
“Juda chiroyli ko‘ylak ekan-ku, seni semiz qilib ko‘rsatyapti” desangiz bas! Bir zumda bunday katta chiqimdan qutulasiz-qo‘yasiz...