Oila haqida latifalar

Ayollar uydagi hamma ishlarni bajarishsa, qaynonalarga sezilmaydi.
Agar o‘sha ishlarni bajarishmasa, darrov seziladi...
Hozirgi zamon yoshlari tilidan:
"O‘g‘il otasini oldiga kelib, sekingina dedi:
— Ada, buvamga ayting, menga qiz topavermasinlar. Axir o‘z sevgan qizim bor.
Adasi o‘g‘liga debdi:
— Bo‘sh vaqtingni doim kompyuter oldida o‘tkazasan. Seni yoshingda men hovlida futbol o‘ynar edim.
— Dada, sizni hovlingiz mashinalar bilan band bo‘lmagan-da!
Ertalab bog‘chaga otlangan qizaloq adasidan so‘ramoqda:
— Ada, bog‘chaga nimada boramiz?
— Piyoda.
— Ada, piyo qachon keladi?
Bir kishi tilla baliq tutib olibdi.
— Tila tilagingni, - debdi baliq.
— Toshkentdan Chimyonga bir zumda olib chiqadigan yo‘l qurib ber, - debdi haligi odam.
Baliq:
— Boshqa osonroq narsa so‘ragin! - desa, boyagi kishi:
— Xotinimni hecham tushunmayman. Har kuni kayfiyati har xil. Shu xotinimni tushunadigan qilib qo‘ygin, - desa, baliq:
— Chimyonga boradigan yo‘lni qachonga bitkazib beray? - dermish.
— O‘g‘lim, onang seni kundaligingni tekshirishimni tayinladi!
— Adajon, axir yuragingizni mazasi yo‘q-ku!
— Faqat sen menga qayg‘urasan, o‘g‘lim...
Juma kuni kechqurun xotin eriga:
— Adasi, keling shu dam olish kunlari mazza qilib dam olaylik...
Eri xursand bo‘lib xotiniga:
— Bo‘pti xotin, dushanba kuni ko‘rishguncha unda! - degan ekan.
Er-xotin janjali: Xotin:
— Siz meni hamma qarindoshlarimni yomon ko‘rasiz.
— Gaping noto‘g‘ri. Mana misol uchun, seni qaynonangni judayam yaxshi ko‘raman.
— Tushimda bo‘ydoq emishman, seni qo‘lingni so‘rabman.
— Namuncha xursandsiz?
— Sen rad javobini beribsan.
Ota bolasiga dedi:
— Yuqori qavatda turadigan bola bilan o‘ynama, tarbiyasi yaxshi emas.
— Mening tarbiyam yaxshimi?
— Albatta yaxshi-da.
— Unday bo‘lsa, o‘sha bola men bilan o‘ynasa maylimi?