Sex boshlig‘i ishchilaridan so‘rabdi:
— Direktor kelmadimi?
— Yo‘q, - debdi ishchilar.
— Ha mayli. Men xonamda biroz uxlab olaman.
Birozdan keyin yana chiqib so‘rabdi:
— Direktor kelmadimi?
— Yo‘q, hali kelgani yo‘q! – deb javob beribdi ishchilar.
Sex boshlig‘i debdi:
— Ha yaxshi. Men xonamga kirib uxlab turaman. Xabar olib turinglar...
Birozdan keyin direktor kelib qolibdi. Hamma ishchilar direktorga qarab:
— Qayerlarda yuribsiz?! Sizni deb 2 soatdan beri sex boshlig‘imiz uyg‘ona olmayaptilar, - dermish.
Bir alkash barga kirib barmenga 200g quy tozasidan, - desa
Barmen hayron bo‘lib, quyibdi.
— Yonimdagi akalarga ham quy, o‘zinga ham quy!, - debdi
"Rahmat" deb, chiqib ketayotsa. Barmen:
— Pulini bering, - desa
— O‘zing ham ichdingu, - debdi
Barmenning jahli chiqib, boyagini rosa uribdi.
2 kun o‘tib barmenni oldiga kaltak yegan alkash kelib:
— Manga 200g, o‘tirganlarga 300g dan quy, - debdi.
Barmen:
— Aka man ichmimanmi, - desa
— San ichvosang to‘palon qilarkansan, - dermish.
Amaldor chekka qishloqqa sayyor qabulga borib, xalq bilan uchrashibdi.
— Qanday ehtiyoj, muammolaringiz bo‘lsa, bizlar hal qilib beramiz, - debdi.
— Bizda ikkita katta muammo bor, - debdi bir oqsoqol. — Avvalo, bizda shifoxona boru, shifokor yo‘q.
Amaldor shartta mobil telefonidan kimningdir raqamini teribdi-da, bir chetga o‘tib 1-2 daqiqa gaplashibdi.
— Bu masalani gaplashib hal qildim. Shifokor ertagayoq shu yerda bo‘ladi. Endi ikkinchi ehtiyojingizni ayting-chi?
— Qishlog‘imizda mobil aloqa mutlaqo ishlamaydi, - debdi oqsoqol.
Telegramda:
— U mendan mashinangiz bormi? - deb so‘radi. Men esa:
— Ha albatta, - dedim. Shundan so‘ng u:
— Rostanmi? - dedi.
— Ha, faqat u menga emas, onamga tegishli. Agar menga turmushga chiqsang, u seniki bo‘ladi, - dedim.
U xursand bo‘ldi. Keyin mendan mashinani rasmini jo‘natishimni so‘radi. Men vannaga kirib kir yuvadigan mashinani rasmga olib jo‘natdim. 2 daqiqadan keyin qarasam, u meni bloklab qo‘yibdi. Balki, unga tikuv mashinasi bor yigitlar yoqar???
Bir kuni o‘qituvchi dars o‘tib turganida 3ta o‘quvchi kechikib kelibdi. O‘qituvchi 1-o‘quvchidan:
— Sen nega kechikib kelding ?
O‘quvchi:
— Men bozorda poyabzal sotaman, shuning uchun kechikdim, - deb javob beribdi
O‘qituvchi xursand bo‘lib:
— Razmerimni bilasana? - deb kiritibdi
2-o‘quvchidan so‘rabdi:
— Sen nega kechikib kelding?
O‘quvchi:
— Men bozorda gazlama sotaman, - deb javob beribdi
O‘qituvchi yana:
— Razmerimni bilasana? - deb kiritibdi.
3-o‘quvchidan so‘ramasdan joyiga o‘tkazgan ekan...
O‘quvchi:
— Ustoz men go‘rkovman, sizning razmeringiz nechi? - deb so‘rabdi.
Bir kishini uyiga o‘t ketibdi.
O‘t o‘chiruvchilarga qo‘ng‘iroq qilsa, operator gapira boshlabdi:
"Oshxonangiz yonayotgan bo‘lsa 1 raqamini bosing, mehmonxonangiz yonayotgan bo‘lsa 2 ni bosing, yotoqxona yonayotgan bo‘lsa 3 ni bosing, ..."
Haligi kishi shoshib-pishib bitta raqamni bosibdi. Operator yana gapiraveribdi:
"Operator bilan 10 daqiqadan so‘ng bog‘lana olasiz".
Uyi yonib kul bo‘lgan kishi:
"Rahmat! Uyim yonib bo‘ldi!" deb telefonni qizil tugmasini bosib qo‘ygan ekan.
Qo‘ziqorin terib kuni bilan yurgan 2 kishi o‘rmonda adashib qolibdi. Sekin yo‘l topib, chetroqqa chiqib qarashsa, bir odam turganmush.
U odam praporshik ekan. Haligi qo‘ziqorin tergan kishilar uni oldiga kelib:
— Kechirasiz, biz adashib qoldik. Qishloqqa yetib olishimiz uchun to‘g‘ri yurib ketyapmizmi? - deb so‘rashsa, praporshik jahli chiqib:
— Qanaqasiga to‘g‘ri bo‘lsin?! Oyog‘ingizni noto‘g‘ri tashlayapsiz, tizzalarni emas, oyoqning kaftlarini yerga zarb bilan tashlab yurishingiz kerak. Umuman ikkalangiz ham baravar qadam tashlashingiz kerak.
Bir olim tajriba qilib ko‘rish maqsadida uchta maymunni olib, bittasini Yaponiyaga, ikkinchisini Xitoyga va uchinchisini O‘zbekistonga yuboribdi.
10 yildan so‘ng maymunlarni ko‘rishga borishsa, Yaponiyadagi maymun 3 ta bolali bo‘libdi. Xitoydagi maymun “Bizga ruxsat shu” deb 2 ta bola tug‘ibdi. O‘zbekistonga kelsa, maymun 1 ta bolasini ushlab o‘tirganmish. Olimlar maymunni egasidan so‘rashibdi:
— Nega bunaqa? Axir sizlar bolajon xalq edingiz-ku! – desa, maymunni egasi:
— O‘zingiz aybdorsiz! Menga erkak maymunni tashlab ketganingizni bilarmidingiz?! – degan ekan.
2 ta student yotoqxonada turadigan bo‘libdi. Biri qiz, biri o‘g‘il bola ekan. Xonaga kirib qarashsa, xonada bitta karavat bor ekan.
Bola:
— Bir karavatga ikkalamiz, qandoq yotamiz man ketaman, - desa
Qiz:
— O‘rtamizga yostiq qo‘yib yotamiz, debdi
Ertasi kuni kinoga tushmoqchi bo‘lishibdi, borishsa bitta bilet qolgan ekan. Biletni bola qizga berib, siz eshikdan kiring debdi.
Shunda qiz:
— Siz kirmiysizmi, - desa
— Man devoldan oshib o‘taman, - debdi
Shunda qiz:
— Yostiqdan o‘ta olmadiz, devoldan qanaqa qilib o‘tasiz, dermish
Ko‘chada 3 ta bola bahslashib turgan ekan:
Birinchisi debdi:⠀
— Mening pochcham eng boy odam . Opamga 3 ta uy, 2 ta dalahovli, 5 mashina olib berganlar-u, lekin opamni o‘zlari bilan olib ketganlar.
Ikkinchisi debdi: ⠀
— Mening pochcham ham milliarder. Opamni oltin-u, zar bilan bezaganlar. Nima desalar bir zumda muhayyo qiladilar. Lekin to‘g‘ri, mening ham opamni olib ketganlar.
Uchinchisi bo‘lsa bularni hammasini eshitib debdi:⠀
— Mening pochcham boy emaslar. Lekin pochcham opamni olib ketmaganlar. Aksincha, biz pochchamni olib kelganmiz.
Latifa.uz loyihasi haqida
Latifa.uz - har kuni yangi va sara ichakuzdi latifalar, hangomalarni taqdim qilamiz. Turli mavzularda eng zo'r latifalar: er-xotin, sevishganlar, do'stlar, ishxona, bozor, haydovchilar, o'qituvchilar, shifokorlar, 8 mart, yangi yil, futbol, afandi va yana ko'plab mavzularda latifalar birinchi bo'lib bizning saytimizda chiqadi. Vaqtingiz maroqli o'tadi, do'stlar davrasi, choyxona va gaplarda bizning latifalarni aytib davrani bemalol qizdira olasiz. Dolzarb mavzularda kulguli rasmlar, yumorga boy dialoglar ham sizni mutlaqo befarq qoldirmaydi.
Ijtimoiy tarmoqlarda tarqalgan latifalarning aksariyati aynan Latifa.uz saytining kanal va sahifalaridan olinadi. Telegram, Instagram, Facebook, Twitter'da bizning latifalar orqali odamlar bir-biriga hush kayfiyat ulashadilar. Shu bilan birga saytimiz odamlarni kayfiyatini ko'targan holda yoshlarning savodxonlik darajasini oshirish, sifatli matnlar bilan ularni ko'proq mutoalaa qilishga qiziqtirish. Biz internetda seks, porno, zo'ravonlik hamda 18+ matnlarni tarqalishiga mutlaq qarshimiz. Beldan pastga tushmagan samimiy yumor bilan odamlarning hordig'ini mazmunli o'tishiga hissa qo'shish uchun astoydil harakatdamiz, yoshlar orasida erotika va pornografiya tarqalishini oldini olishni to'liq qo'llab quvvatlaymiz.
Agarda biron-bir latifa bo'yicha e'tirozlar bo'lsa, bizga habar bersangiz saytdan o'chirib tashlaymiz.