Bir kuni chumoli filga bir gap aytgan ekan, fil kulaverib “ichagi uzilibdi”!
Hayvonlar chumolidan so‘rashibdi:
— Filga nima deding?
— Meni etigimni kiyib olganingni bilaman! O‘zing joyiga qo‘yib qo‘y! – debdi.
Taksi bilan Buxoroga ketayotgan otaxon haydovchiga:
— Bolam, Sirdaryodan chiqishimiz bilan meni uyg‘otib qo‘ygin, - debdi-yu, uyquga ketibdi. Haydovchi Buxoroga yetay deb qolganda cholning gapi esiga tushib, “Otaxon o‘sha yerda o‘yg‘otgin degandi” deb orqaga qaytib boribdi.
Sirdaryoga yetib kelib otaxonni uyg‘otsa, otaxon mashinadan tushib, harsangtoshni yonida rasmga tushibdi-yu, haydovchiga qarab:
— Bo‘ldi! Endi Buxoroga hayda, - degan ekan.
Bir kun er-xotini urishib qolibdi.
Eri bir varroq qog‘oz olib, xotiniga “Xotin, ertaga meni soat 8:00 da uyg‘otgin” deb xat yozib stolga qo‘yib uxlashga yotibdi.
Ertalab turib, soatga qarasa 10:00 bo‘lganmish. Oshxonaga chiqib, stol ustida bir varoq qog‘ozni ko‘ribdi. Unga xotini shunday deb yozib ketgan ekan:
“Dadasi turing, soat 8:00 bo‘ldi”.
Bir kuni afandi anhor yonidan oʻtib ketayotsa, suvga choʻkayotgan bolani koʻrib qolibdi.
Afandi suvga sakrab, uni qutqarib olib, uyiga olib boribdi.
Bolani tashlab ketayotsa, ota-onasi unga rahmat ham aytmabdi.
Afandi koʻchaga chiqsa, bir payt bolani otasi orqasidan yugurib chiqibdi.
Shunda afandi:
— Mayli, qoʻyavering, hojati yoʻq... Men bolangizga chin dildan yordam berdim, - desa, otasi:
— Bolamni boshida shapkasi bor edi, qani? - dermish.
Bir kuni afandi bir arava o‘tin olib ketayotsa, qo‘shnisi so‘rabdi:
— Nima olib ketyapsiz afandi?
— Beda, - debdi afandi. Qo‘shnisi:
— O‘tin-ku, - desa, afandi:
— Bilsang, nega so‘rayapsan? – degan ekan.
Jinoyatda gumonlanuvchi shaxsning yoniga advokati kelib debdi:
— Senga ikkita yangiligim bor. Bittasi-yaxshi, bittasi-yomon!
— Yomonidan boshlang, - debdi gumondor.
— Jinoyat sodir bo‘lgan joydan topilgan qon izlari seniki ekan.
— Yaxshisi-chi?
— Qoning toza, gemoglabining baland ekan.
Doim kompyuter qarshisida o‘tiradigan bolaning gapidan:
“Uyda chiroq o‘chib qoldi. Oilamdagilar bilan gaplashishga vaqtim bo‘ldi. Ukam o‘qishga kiribdi. Singlim turmushga chiqib ketibdi. Ota-onam qarib qolishibdi. Negadir buvim ko‘rinmayaptilar?!”
Qiz va yigit arazlashib qolibdi:
— Oling mana uzugingiz. Menga boshqa qo‘ng‘iroq qilmang, - deb o‘girilib ketayotgan qizning orqasidan yigit baqiribdi:
— Hoy!!!
Qiz yurib ketayotib, hozir kechirim so‘raydi, to‘xtatib yalinib-yolvoradi, deb o‘ylasa, bir payt yigitning tovushi eshitilibdi:
— Uzukni shkatulkada bergandim, qani???
Mehmon mezbonga qarab debdi:
— Sahiyligingizga tasanno! Har safar piyolamga choyni to‘ldirib quyyapsiz...
Mezbon bo‘lsa:
— Ha, choyingizga shakar sola olmasligingiz uchun, - dermish.
31 dekabr ijtimoiy tarmoqlarda yil sarhisoblari kuni. To‘xtatib bo‘lmas yolg‘on kuni
Latifa.uz loyihasi haqida
Latifa.uz - har kuni yangi va sara ichakuzdi latifalar, hangomalarni taqdim qilamiz. Turli mavzularda eng zo'r latifalar: er-xotin, sevishganlar, do'stlar, ishxona, bozor, haydovchilar, o'qituvchilar, shifokorlar, 8 mart, yangi yil, futbol, afandi va yana ko'plab mavzularda latifalar birinchi bo'lib bizning saytimizda chiqadi. Vaqtingiz maroqli o'tadi, do'stlar davrasi, choyxona va gaplarda bizning latifalarni aytib davrani bemalol qizdira olasiz. Dolzarb mavzularda kulguli rasmlar, yumorga boy dialoglar ham sizni mutlaqo befarq qoldirmaydi.
Ijtimoiy tarmoqlarda tarqalgan latifalarning aksariyati aynan Latifa.uz saytining kanal va sahifalaridan olinadi. Telegram, Instagram, Facebook, Twitter'da bizning latifalar orqali odamlar bir-biriga hush kayfiyat ulashadilar. Shu bilan birga saytimiz odamlarni kayfiyatini ko'targan holda yoshlarning savodxonlik darajasini oshirish, sifatli matnlar bilan ularni ko'proq mutoalaa qilishga qiziqtirish. Biz internetda seks, porno, zo'ravonlik hamda 18+ matnlarni tarqalishiga mutlaq qarshimiz. Beldan pastga tushmagan samimiy yumor bilan odamlarning hordig'ini mazmunli o'tishiga hissa qo'shish uchun astoydil harakatdamiz, yoshlar orasida erotika va pornografiya tarqalishini oldini olishni to'liq qo'llab quvvatlaymiz.
Agarda biron-bir latifa bo'yicha e'tirozlar bo'lsa, bizga habar bersangiz saytdan o'chirib tashlaymiz.