Ichmaydigan, uyim-joyim deydigan, mehnatkash, to‘g‘riso‘z, vafodor erkaklar huddi humo qushiga o‘xshaydi.\nHamma u haqida eshitadi, lekin hech kim uchratmaydi!
Boy xizmatkori bilan sayohatga chiqishibdi.\nKech kirib, bir joyda to‘xtashibdi-da, tunash uchun chodir tikishibdi. So‘ng shu chodirga kirib uxlab qolishibdi. Tongga yaqin xizmatkor o‘yg‘onib, yotgan joyida xo‘jayniga shunday debdi:
— Anavi osmonda ko‘rinib turgan yulduzlar nimani anglatadi?
Boy:
— Shuni ham bilmaysanmi nodon!? Kun issiq, havo ochiq bo‘lishini anglatadi, - desa, xizmatkor:
— Balki chodirimizni o‘g‘rilab ketganini bildirar...?! – degan ekan.
Elektron hujjat aylanishi ba’zi davlatlarda juda “samarali” ishlab kelmoqda.\nHujjat tayyorlanadi, imzolash uchun printerdan qog‘ozga chiqariladi, imzo qo‘yilganidan so‘ng yana skanerlanadi, tegishli tashkilotga yuboriladi va ushbu tashkilotda hujjat yana printerdan chiqarilib, yorliq (fishka) bilan rahbarga kiritiladi. Rahbar ko‘rsatmasi bilan qaytib chiqqan hujjat yana skanerdan o‘tkazilib, papkaga tikiladi. Haqiqatdan ham hujjat “aylanishi” ...
Hurmatli erkaklar! Xotiningiz bozorda qimmat ko‘ylak kiyib olib, “Shuni olib berasiz!” deb turib olishsa, buni yo‘li juda oddiy.
“Juda chiroyli ko‘ylak ekan-ku, seni semiz qilib ko‘rsatyapti” desangiz bas! Bir zumda bunday katta chiqimdan qutulasiz-qo‘yasiz...
Magazinda:
— Bitta qatiq berib yuborsangiz.
— Siz unga banka olib keldingizmi?
— Yo, tavba! U bilan gaplashasizmi hali?!
O‘rmondagi hayvonlar zerikib, odamlarga o‘xshab "Gap" yeyishmoqchi bo‘lishibdi.
Hamma yig‘ilib, qura tashlashibdi. Birinchi bo‘lib “Gap” boshlash sherxonga tushibdi. Keyingi navbat quyonga to‘g‘ri kelibdi.
Kelasi hafta shanba kuni sherxonni gapiga hammasi yig‘ilishibdi. Sherxon ham sherligini qilib, har bir hayvonga 1 litrdan aroq quyibdi. Gap-gapga qo‘shilib, rosa ichishibdi. Tun yarmiga borganda aroq tugab qolibdi. Bo‘ri sherxonga qarab:
— Sherxon, gap-gapday bo‘lsin. Yana biror litr topgin, - debdi.
Sherxon bo‘lsa:
— Men-ku aroq topaman. Gazak yuq-ku!? - debdi.
Bo‘ri:
— Olib kelaver! Gazakni toparmiz..., - debdi.
Sherxon yana 1 litr aroq olib kelibdi. Keyin nima bo‘lib o‘tganini eslay olmasmish.
Ertalab turishsa, quyon ko‘rinmas emish. Hammasi quyon ularni uyg‘otmay ketib qolgan deb o‘ylashibdi.
Oradan 1 hafta o‘tib, “Gap” berish navbati quyonga kelibdi. Quyonni uyiga
borib, eshigini taqillatishibdi. Eshikni quyonning xotini ochibdi.
Bo‘ri:
— Ering qani? – desa, xotini:
— O‘tgan hafta “Gap”ga ketgandi, qaytib kelmadi... – dermish.
Kecha erim bilan urishib qolib unga:
– Eng kerakli narsalaringizni oling-da, uydan yo‘qoling! – deb baqirsam, erim chemodanini ochib, yonimga kelib meni chemodanni ichiga sola boshladi. Qanday qilib uni kechirmay bo‘ladi...?!
“Bonusli somsa” deb yozilgan somsaxonaga kirgan xo‘randa, sotuvchidan so‘radi:
— Qanday qilib “bonusli somsa” yesam bo‘ladi?
Sotuvchi:
— Go‘shtli somsa deganidan istaganingizcha sotib olib, yeb ko‘rasiz. Agar birorta somsani ichidan go‘sht chiqib qolsa, bonusga yana bitta shunaqa somsa beramiz, - dermish.
Bir yigit folbinni yoniga borib so‘rabdi:
— Men shu kungacha juda ko‘p qizlar bilan “yurdim”. Ularni sanog‘i yo‘q. Ko‘ngilhushlik qilib, hamma yomonliklarni qilib bo‘ldim. Endi bo‘lsa hamma gunohlarimni tan olib, tavba qildim. Ayting-chi, men qanday qizga uylanaman endi?
Folbin yigitga qarab turib:
— Siz huddi o‘zingizga o‘xshagan, tavba qilgan qizga uylanasiz, - degan ekan.
Qaynona keliniga tanbeh beraverarkan:
— Ovqat qilishni bilmaysiz! O‘g‘lim bechora bemaza ovqatlarni yeb, umri o‘tyapti! Sizdek xotin bilan yashab yuribdi bolam... Men sizni yoshingizda...bilasizmi?!
Kelin:
— Bilaman oyijon. Huddi meni yoshimda siz adajonni qirqini o‘tkazgan edingiz.
Latifa.uz loyihasi haqida
Latifa.uz - har kuni yangi va sara ichakuzdi latifalar, hangomalarni taqdim qilamiz. Turli mavzularda eng zo'r latifalar: er-xotin, sevishganlar, do'stlar, ishxona, bozor, haydovchilar, o'qituvchilar, shifokorlar, 8 mart, yangi yil, futbol, afandi va yana ko'plab mavzularda latifalar birinchi bo'lib bizning saytimizda chiqadi. Vaqtingiz maroqli o'tadi, do'stlar davrasi, choyxona va gaplarda bizning latifalarni aytib davrani bemalol qizdira olasiz. Dolzarb mavzularda kulguli rasmlar, yumorga boy dialoglar ham sizni mutlaqo befarq qoldirmaydi.
Ijtimoiy tarmoqlarda tarqalgan latifalarning aksariyati aynan Latifa.uz saytining kanal va sahifalaridan olinadi. Telegram, Instagram, Facebook, Twitter'da bizning latifalar orqali odamlar bir-biriga hush kayfiyat ulashadilar. Shu bilan birga saytimiz odamlarni kayfiyatini ko'targan holda yoshlarning savodxonlik darajasini oshirish, sifatli matnlar bilan ularni ko'proq mutoalaa qilishga qiziqtirish. Biz internetda seks, porno, zo'ravonlik hamda 18+ matnlarni tarqalishiga mutlaq qarshimiz. Beldan pastga tushmagan samimiy yumor bilan odamlarning hordig'ini mazmunli o'tishiga hissa qo'shish uchun astoydil harakatdamiz, yoshlar orasida erotika va pornografiya tarqalishini oldini olishni to'liq qo'llab quvvatlaymiz.
Agarda biron-bir latifa bo'yicha e'tirozlar bo'lsa, bizga habar bersangiz saytdan o'chirib tashlaymiz.