Doda latifalar

Bir ayol nuqul eri ishdan kelsa, erining ust-boshidan soch tolasi topib olib rosa janjal qilaverarkan.
Kunlardan bir kun erining kiyimidan soch topa olmabdi. Shunda eriga:
— Ha, qurib ketsin! Kuningiz kal ayollarga qoldimi!? - dermish.

Bolakaydan so‘rashibdi:
— Senga yangi yilga nima sovg‘a qilay?
Bola o‘ylanib turib:
— Bilmiman, lekin ikkita bo‘lsin!!!

Tog‘da cho‘pon qo‘ylarini haydab ketayotsa, qo‘l telefoni jiringlab qolibdi.
Telefon ovozini eshitgan qo‘ylar taqqa to‘xtab, cho‘pon tomonga qarashibdi. Cho‘pon esa, kim bilandir gaplashib bo‘lgach, telefonni cho‘ntagiga solib, qo‘ylariga:
— Xavotirlanmanglar, meni so‘rashibdi! - degan ekan.

Kollej orqasidagi stadionda 1ta yigitni 2ta yigit rosa do‘pposlab tursa, qari otaxon kelib:
— Iye, nega bu bolani uryapsilar? - desa, yigitlar:
— Otoxon qo‘shiq eshtasizmi? - deb so‘rashibdi.
— Ha, - debdi otaxon.
Shunda yigitlar:
— Qo‘shiqni mazza qilib eshtayotganizda "OQ AYIQ.UZ" deydigan bola shu bo‘ladi, - deyishsa, otaxon hassasini ko‘tarib:
— Yaxshilab ur, yaxshilab! - dermish.

Xotin eriga dedi:
— Adasi, men qo‘shninikiga chiqib ketyapman. 5 minutda qaytaman. Har yarim soatda qozonni kavlab turing, tagiga olib ketmasin...!

Futbol jamoasi murabbiysi o‘z lavozimidan ozod etilar ekan, o‘rniga yangi saylangan murabbiyning qo‘liga 3 dona raqamlangan konvertda xat tutqazibdi va debdi:
— Bu konvertlarni hozir ochmagin! Og‘ir damlaring kelganda birin-ketin ochaverasan...!
Oradan ozgina vaqt o‘tib, komanda yana mag‘lubiyatga uchray boshlabdi. Shunda murabbiy 1-raqamdagi konvertni ochibdi. U yerda: "Hamma aybni menga ag‘daraver!" deb yozilgan ekan. Murabbiy shunday qilibdi.
Oradan yana vaqt o‘tibdi. Mavsum tugab, ketma-ket mag‘lubiyatlar komanda murabbiysini og‘ir ahvolga solib qo‘yibdi. 2-raqamli konvertni ochganida u yerda "Katta va’dalarni ber!" degan yozuv o‘qibdi. Yana ma’lum vaqt murabbiyni tinch qo‘yishibdi.
Uchinchi yil mag‘lubiyat! Hech qanday g‘alaba yo‘q! Muhlislarning noroziliklari! So‘nggi konvertni ochgan murabbiyni ko‘zi shu yozuvni o‘qibdi: "Xatlaringni yozaver!!!"

Yuz yoshga to‘lgan kampir o‘zini davolovchi vrachiga dedi:
— Eh, Sultonboy, sizga shu qadar o‘rganib qolgandim… Mabodo… O‘lib-netib qolsangiz,
meni kim davolarkan-a?..

— Dadajon, xo‘rozlar nega tong yorishmasdan qichqirishadi?
— Tovuqlar uyg‘onganda xo‘rozlarning ovozi eshitilmay qoladi-da!

Bir odam tilla baliq tutib olib, debdi:
— Mashina va uy xohlayman!
Baliq:
— Arendami yoki davlatdan kreditmi?
Haligi odam:
— Paxta yog‘ida qovuraymi yoki pista yog‘idami? Tanla!

— Adasi, sizga qanday ayollar ko‘proq yoqadi: aqllisimi yoki chiroylisi?
— Axir necha martta aytganman?! Hech qaysisi yoqmaydi, faqat sen yoqasan deb!