Doda latifalar

O‘qituvchi bolalarni hayvonot bog‘iga olib boribdi.
Bolalar:
— Bu maymunmi?
O‘qituvchi:
— Yo‘q, bu kassir!

Bojalar suhbati:
— Boja, sizga bitta yaxshi, bitta yomon xabarim bor. Qaysi biridan boshlay?
— Yaxshisidan.
— Meni tabriklang! Qaynonamiz o‘n kun biznikida turib, vanihoyat bugun ketyapti...
— Zo‘r-ku! Yomoni-chi?
— Endi o‘n kun sizlarnikida turib, keyin uyiga qaytmoqchi.

Xodim rahbarning xonasidan chiqib kelayotsa, hamkasbi yoniga kelib so‘rabdi:
— Xo‘sh, tinchlikmi? Boshliq nima dedi?
— Ikkita yangiligim bor. Bitttasi yaxshi, ikkinchisi yomon...
— Yomonidan boshlayqol!
— Meni ishdan bo‘shatishdi.
— Yaxshisi-chi?
— Sen ham bo‘shatilding!

Bir kishi hayvonot bog‘iga ishga kirish uchun kelibdi.
Hayvonot bog‘i rahbari haligi kishining mehnat daftarchasini ko‘rib chiqib so‘rabdi:
— Nega bunchalik tez-tez ish joyingizni almashtirgansiz?
— Men juda-yam sekin harakat qilaman, sekin ishlayman, hech narsaga ulgurmayman. Shuning uchun ishdan bo‘shatib yuborishadi, - debdi.
Rahbar:
— Unday bo‘lsa, sizni toshbaqalarga qarash uchun ishga olamiz, - debdi.
Ertalab hayvonot bog‘i xodimlari ishga kelishsa, toshbaqaning qafasi ochiq, ichida hech narsa yo‘q emish.
Bundan xabar topgan rahbar haligi kishini yoniga chaqirib:
— Bu nimasi? Toshbaqalar qayoqqa ketdi?! – desa, u kishi:
— Men qafasni ochishimni bilaman, toshbaqalar shunaqa tez qochib qolishdi-ki, eshikni yopishga ulgurmadim hatto!

Bolgʻa bilan bolta bardan qochib chiqayotishsa, oldilaridan arra chiqib qolibdi.
— Nimadan qochyapsizlar? – debdi arra.
— Ichkarida svarka mast boʻlib, toʻpalon qilyapti, - dermush bolgʻa bilan bolta.

Lotin alifbosida oʻqishni bilmaydigan bir yigit doʻkonga kelib soʻrabdi:
— Anavi Sosa sola qancha turadi?
Sotuvchi:
— U Sosa sola emas, Koka kola, - deb jahl bilan gapirsa, yigit:
— Uzr, bilmabman. Yonida turgan Gʻanta qancha? – dermish.

Bir yigit yoʻlda ketayotib, chiroyli qizni uchratib qolibdi.
— Yaxshi qiz, gugurtingiz bormi? – desa, qiz:
— Yoʻq, men nosga oʻtganman, - degan ekan.

Ikkita qozoq Rossiyada taksiga o‘tirib bir-biriga debdi:
— Taksistning rojase strashniy eken.
Shu payt haydovchi o‘girilib:
— Вам что, моё лицо не нравится? – debdi.
Qozoqlar hayron bo‘lib:
— Вы что казахсий язык знаете? –dermish.

Fermada sigirlarni erkak fermer sog‘sa, xo‘kizni rashki kelar emush...

Bir kuni afandi kabobxonani yonidan o‘ta turib, kabobdan chiqayotgan tutun hidini hidlabdi. Ziqna kabobpaz “Seni bir boplay!” deb afandini to‘xtatib, unga do‘q uribdi:
— Kabobdan chiqayotgan tutunni hidlaganing uchun pul to‘la! – desa, uddaburon afandi cho‘ntagidan tangalarini chiqaribdi-da, “jaranglatib-jaranglatib” yana cho‘ntagiga solib yo‘lida ketavergan ekan.