Latifa.uz saytida eng ko'p ovoz olgan latifalar ro'yxati.
Suzish bo‘yicha musobaqa ketmoqda. Bir jamoaning ikki ishtirokchisi marra tomon suzib bormoqdalar: — Suzib o‘tolmaymiz shekilli. — Suzib o‘tamiz! 50 metr qoldi. — Suzib o‘tolmaymiz. — Suzib o‘tamiz! 30 metr qoldi. — Yo‘q! Aniq suzib o‘tolmaymiz! — 10 metr qoldi. Balki suzib o‘tarmiz?! Ha, mayli orqaga qaytdik. Suzib o‘tolmaydiganga o‘xshaymiz...
— Sarvar, sen katta bo‘lganingda kim bo‘lmoqchisan? — Savdogar bo‘laman ustoz! — Nima uchun injener yoki o‘qituvchi emas? — Injener bilan o‘qituvchini inomarka mashina haydaganini hech ko‘rganmisiz???
Otasi advokat, onasi sud-tibbiy ekspert xodimi bo‘lib ishlaydigan bolakay hadeb jiringlayvergan telefon go‘shagini ko‘tarib:
— Allo? – desa, go‘shakni u tomonidan notanish ovoz:
— Uyda kattalardan kimdir bormi? – debdi.
Bolakay:
— Adam qamoqxonada, onam esa morgda, - dermish.
Qaysi millat chidamli ekanini sinash uchun olimlar muzlatgichdan foydalanishibdi.
Angliya fuqarolaridan ikkitasi muzlatgich ichida 2 soat o‘tira olibdi.
Navbatdagi shvedlar 4 soatga chidabdi.
Oxiri ruslar kirib kelishibdi. Muzlatgichni ochib kirib ketgan ruslardan 3 kunda ham xabar bo‘lmabdi.
Oxiri olimlar muzlatgichni eshigini ochib:
— Yaxshimisizlar? Sovuq emasmi? – deyishsa, ruslar:
— Eshikni yoping! Tashqaridan yomon sovuq kiryapti, - dermish.
Bir kishi o‘rmonda adashib qolibdi. Yurib-yurib, o‘rmonning o‘rtasiga kelib qolibdi. Oldidan tovuq oyoqli kulba chiqibdi. “Shu uyda aniq yalmog‘iz yashaydi” debdi o‘ziga-o‘zi. Borib taqqillatsa, husnda tengsiz go‘zal qiz eshikni ochibdi.
— Iye, axir bu uyda yalmog‘iz yashashi kerak emasmi?! – debdi haligi kishi.
Go‘zal qiz bo‘lsa:
— Menman o‘sha yalmog‘iz! Pardoz qilib olgan vaqtimda kelding, - dermish.
Suv ostida uzoq vaqt turib bo‘yicha xalqaro musobaqa o‘tkazilibdi.
Amerikalik sportchi suv ostida 5 daqiqa turibdi. “Muvafaqqiyatimning siri doimiy mashg‘ulotlarda!” deb maqtanibdi.
2-bo‘lib yaponiyalik sportchi suv ostiga kirib ketib, 10 daqiqada chiqibdi. “Bunchalik uzoq suv ostida qolishimning sababi aqlim va qobiliyatimda!” deb intervyu beribdi.
3-navbat o‘zbek sportchisiga berilibdi. O‘zbek sportchi suvga kalla tashlagan ekan hamma sanay boshlabdi. 5 daqiqa, 10 daqiqa, 15 daqiqa, ... 30 daqiqa deganda chiqib kelibdi. Jurnalistlar yugurib kelib so‘rashibdi:
— Qanday qilib...? Qanaqasiga...? Bunchalik uzoq tura olasiz deb hech kim o‘ylamagan edi... – deyishsa, o‘zbekistonlik sportchi:
— O‘zim ham o‘ylamagandim. Suv tagida kiyimim bir nimaga ilinib qolmaganda allaqachon chiqardim, - degan ekan.
Institutda o‘qituvchi talabaga qarab:
— Darsga yana tayyormasmiz deng!
— Ha, domlajon...
— Kechasi bilan televizor ko‘rib chiqqanmiz demak...
— Shunaqa...
— Institutga ham hurmat yo‘q deng!
— ...
— Davlatni pulini yeb yotibmiz deng!
— Uzr domlajon. Meni sizni bilmadim-u, meni hali ota-onam boqyapti...
Afandi bir kuni baliq oviga chiqibdi. Birdaniga yomg‘ir yog‘ib, shamol ko‘tarilibdi. Shunda Afandi baliq turini ustiga yopib olib, bamoqlarini to‘rning teshigidan chiqarib:
— Voy, tashqari muncha sovuq, - dermish.