Doda latifalar

Ishdan kelgan erini ostonada xotini kutib olib, debdi:
— Korxonangiz yopilayotgan emish... Eshitdim!
Eri:
— Kim aytdi senga buni? Qayoqdan topasan shunaqa gaplarni?!
Xotini:
— Mahalladagi ayollar gapirishdi...
Eri:
— O‘sha g‘iybatchilarni gapiga ishondingmi? Gapiraveradi-da!!!
Ertasi kuni ishdan kayfiyati yomon kirib kelgan eri xotinini chaqirib dermish:
— Borib mahalladagi ayollardan bilib kel-chi, meni endi qayoqqa ishga o‘tkazishar ekan?!

— Allo, bu Texxizmatmi?
— Ha!
— Ayting-chi, Noutbukimni televizorga qanday ulasam bo‘ladi? Kino ko‘rmoqchi edim...
— Sim bilan ulang!
— Ulab bo‘lmayapti-ku!?
— Televizoringizni rusumi qanday?
— Rekord 312
— Unda ekranni o‘rtasiga skotch bilan yopishtirib qo‘ying!

— Yodingdami dugonajon? Yoshligimizda qanday go‘zal edik... Ayniqsa men!
Hozir esa qari va xunukmiz!
— Ha ayniqsa sen!!!

Bir amerikalik va afandi do‘sti bilan samolyotga chiqib, uchishayotganida amerikalik Iphone 7 ni derazadan otib yuboribdi. Afandi:
— Nega tashlab yubording? - desa, amerikalik:
— Bizlarda bunaqa telefonlar mingta, - debdi. Shu payt afandi yonidagi sherigini derazadan tashlab yuboribdi.
— Bu nima qilganing? - debdi amerikalik.
— Bu taksichi! Bizda bunaqalardan mingta, - dermish.

Shahrimizda yo‘llarga asfalt yotqizish ishlari olib borilmoqda.
Ish tartibi:
1. Asfaltga yo‘l chiziqlarini chizish.
2. Asfaltni yangilash.
3. Asfaltni kavlab, kanalizatsiya quvurlarini almashtirish.

— Allo, taksimi?
— Ha!
— Qozog‘iston poytaxtiga bormoqchi edim. Olib borib qo‘yasizmi?
— Yo‘g‘-ye, Nursulton juda uzoq! U yerga eltib qo‘ya olmaymiz!
— Nur-sul-ton, 9 ta harf. To‘g‘ri kelyapti. Rahmat!

Onasi 3 yoshli qizchasiga dedi:
— Qizim, xonang buncha tartibsiz? Qo‘g‘irchoqlaring burchaklarda ag‘darilib yotibdi, idish tovoqlar har yerga sochilib ketgan...
Qizi debdi:
— Oyijon, biz kecha "to‘y-to‘y" o‘ynaganmiz. Qo‘g‘irchoqlarim mast bo‘lib qolishgan, peshinda o‘ziga kelishadi.

O‘g‘li:
— Ada, ayollar har kuni sochiga nima baloni sepishadi?
Ota:
— Bitga qarshi dori, o‘g‘lim!

Men ishsizlikdan juda-yam qo‘rqaman.
— Baribir hech qanday ish qilmasdan o‘tiribsan-ku!?
— Maoshsiz qolishdan qo‘rqaman-da...

Afandining uyiga o‘g‘ri kirgan ekan. Afandi sandiq ichiga berkinib olibdi. O‘g‘ri uyni axtarib, qo‘lga kirgudek hech narsa topmay, sandiqni ochib qarasa, Afandini ko‘rib qolibdi. O‘g‘ri:
— Sandiqning ichida nima qilib yotibsiz?— desa, Afandi:
— Uyda senbop hech narsa yo‘q, shunga xijolat bo‘lganimdan berkinib oldim,— degan ekan Afandi.