Doda latifalar

Latifa.uz saytida eng ko'p ovoz olgan latifalar ro'yxati.
Afandining bir o‘rtog‘i kasal bo‘lib qoldi, uni ko‘rgani borish oldidan xotinidan maslahat so‘radi:
— Kasal ko‘rgani borganda nima deyiladi?
— Borib «ahvolingiz qalay?» deb so‘raysiz, u «shukur, yaxshiman» deydi, siz «xayriyat» deysiz, «ishtahangiz qalay, nima yegingiz keladi?» deb so‘raysiz, u ko‘ngli tortgan ovqatni aytadi, siz «undan ko‘proq yeb turing, men ham yanagi kelishimda olib kelaman» deysiz, qaytar vaqtingizda yaqin o‘rtoqlaringiz kelyapdimi» deysiz, u «ha, kelyapti» deydi, siz «xayriyat, kelib turishgan bo‘lsa yaxshi, men ham ko‘rinib qolishsa aytib yuboraman» deb kelaverasiz, — dedi xotini.
Afandi o‘rtog‘inikiga bordi, u og‘ir ahvolda yotar edi, Afandi undan so‘radi:
— Ahvolingiz qalay?
— Ko‘rib turibsizku, o‘ladigan bo‘lib qoldim.
— Xayriyat, — degan edi, kasal ijirg‘ilandi, Afandi so‘roqni davom ettirdi:
— Ishtahangiz qalay, nima yegingiz keladi?
— Ajalning urug‘ini!
— Ushandan ko‘p-ko‘p yeb turing, — taskin berdi Afandi, — men ham yanagi kelishimda undan olib kelaman.
Afandining bu gapidan asabi buzilgan kasal teskari qarab oldi. Nihoyat, Afandi yana so‘radi:
— Mendan boshqa o‘rtoqlaringiz ham ko‘rgani kelishyaptimi?
— Ha, Azroil kelyapti! — dedi achchig‘lanib kasal.
— Xayriyat, kelgani yaxshi, men ham ko‘cha-kuyda ko‘rinib qolsa, aytib yuboraman,— deb Afandi jo‘nab ketdi.
#Er-xotin #Qora-yumor #Afandi #Doʻstlar
154

Bir kuni o‘rmondan sher kelib shahardagi daraxt ustiga chiqib olibdi.
Buni ko‘rgan bir odam kerakli joyga murojat qilibdi. Tezda bir kishi iti bilan yetib kelibdi va haligi odamga debdi.
Men daraxtga chiqib sherni pastga tushiraman va it borib uni g‘ajib tashlaydi deb haligi odam qo‘liga miltiq beribdi. Shunda u odam hayron qolib surabdi. Kechirasiz agar it sherni g‘ajib tashlasa miltiqni nima keragi bor desa
Haligi odam: Agar men tushib ketsam it otib tashlaysiz.

#Hayvonot #Kaltafahmlar #Lof-yolgon
280

Taksida ona o‘g‘li bilan ketayotgan ekan. O‘g‘li haydovchidan ko‘zini uzmay qarayveribdi. Buni ko‘rgan haydovchi:
— Hoy bolakay, nega menga tikilib ketyapsan? – desa, bolakay:
— Yo‘lda yopiq turgan metan zapravkalarni ko‘rib siz ham adam aytgan so‘zlarni aytarmikansiz deb qarab ketyapman, - debdi.

#Bolalar #Haydovchilar #Erkaklar #Oila
59
O‘qituvchi Valijondan so‘rabdi:
— Sen yozma ishingda bog‘cha tarbiyachisi bo‘laman deb yozibsan. Bu kasbga qiziqasanmi?
Valijon o‘qituvchisiga:
— Yonimda o‘tiradigan Mohigul qiziqar ekan-da...!
#Bolalar #Boshqalar
44
Qamoqxonadagi ikki mahbus suhbati:
— Bu yerga nega o‘tiribsan?
— Yo‘talganim uchun.
— Qanday qilib?
— Yo‘talib yuborgan edim, qorovul uyg‘onib qoldi.
#Erkaklar #Ishxona #Jinoyatchilar
42
Ba’zida "Yo‘q" deyishni ham o‘rganing.
Masalan, "Bir bo‘lak tort yeysizmi?" - deb so‘rashsa, "Yo‘q! Ikki bo‘lak yeyman", - deb javob bering.
#Qisqa #Ovqatlanish #Haqiqat-adolat
34
Kecha 100 ming so‘mlik pulga "mayda" topolmay qoldim. Hech kimda yo‘q...
Qarasam yo‘l chetida YPH xodimi turibdi. Yonga borib:
— 100 ming so‘mga maydangiz yo‘qmi? - desam, u:
— Yo‘q, hali tushmadi! Hozirgina kelib turibman o‘zi! - deydi.
#Pul-boylik #DAN-xodimlari #Haqiqat-adolat
44
Uchta kasb egalariga hech tushunmayman:
— Futbolchilar o‘zi tepgan to‘pni o‘zi quvlaydi.
— Vrachlar bemorni qayeri og‘riyotganini bilib turib, "Qayeringiz og‘riyapti?" deb so‘raydi.
— O‘qituvchilar o‘zi bilgan savolni o‘quvchilardan so‘raydi.
#Boshqalar #Haqiqat-adolat
40
Er xotiniga:
— Nahotki bu dugonang bilan bor-yo‘g‘i yarim soat gaplashding?!
Xotini:
— Yo‘g‘-ye, dugonammas! Adashib tushibdi...
#Er-xotin #Ayollar #Erkaklar #Ozbekona #Telefon #Haqiqat-adolat
40
Bir amaldor fuqarolar bilan uchrashuvda gap boshlabdi:
— Biz oldin yaxshi yashaganmiz, hozir ham yaxshi yashayapmiz, bundan keyin ham yaxshi yashaymiz, - desa, fuqarolar orasidan ovoz kelibdi:
— Biz-chi?
#Qora-yumor #Ozbekona #Uchrashuv #Haqiqat-adolat
37
Bosh sahifaDodalariQidirishRuknlarQo'shish