Doda latifalar

Uchta kasb egalariga hech tushunmayman:
— Futbolchilar o‘zi tepgan to‘pni o‘zi quvlaydi.
— Vrachlar bemorni qayeri og‘riyotganini bilib turib, "Qayeringiz og‘riyapti?" deb so‘raydi.
— O‘qituvchilar o‘zi bilgan savolni o‘quvchilardan so‘raydi.

Er xotiniga:
— Nahotki bu dugonang bilan bor-yo‘g‘i yarim soat gaplashding?!
Xotini:
— Yo‘g‘-ye, dugonammas! Adashib tushibdi...

Fursatdan foydalanib, sevgan qizimni ixtirochilar kuni bilan tabriklayman! U ham o‘zicha, o‘zidan kimnidir yasab olgan...

Hamma rahbarlarni gapi bir xil!
“Ishlamasang bo‘sha! O‘rningga boshqa odam topaman!”
Lekin mehnat ta’tiliga chiqish uchun ariza yozsang:
“Ishni kim qiladi?” “Sizdan boshqasi tushunmaydi, qila olmaydi...!”

— Imtihonlar qalay bo‘ldi o‘g‘lim?
— Yaxshi ada. Narxlar oshib ketibdi.

Pepsi bilan Fanta urishib qolibdi.
Fanta jahl bilan Pepsiga "Koladan tarqagan!" dermish.

Niqob taqib yurgan odamni yoniga bittasi kelib debdi:
— Koronavirus uzoqqa cho‘zilmaydi.
— Nega? - debdi haligi odam.
— Xitoyliklarni ishlab chiqargan narsasini bilasan-ku... - degan ekan.

Talaba burga ustida tajriba o‘tkazmoqchi bo‘lib, uni stol ustiga yotqizib qo‘yib, buyuribdi:
"Sakra!"
Burga sakrabdi. Talaba uni tag‘in tutib, bir oyog‘ini uzib olib, so‘ng stolda qo‘ydi-da, - "Sakra", - debdi:
Burga bu safar ham sakrabdi. Talaba uni yana tutib olib, qolgan oyog‘ini ham uzib tashlab:
"Sakra!" debdi.
Burga qimirlamay turaveribdi. Shunda talaba daftariga yoza boshladi: “Tajribalar shuni ko‘rsatdiki, burganing quloqlari panjasida bo‘lar ekan. Agar oyoqlaridan judo etsangiz, u karga aylanadi qoladi...

Bir kuni afandi baliq oviga boribdi, lekin xo‘rak olish esdan chiqibdi.
Qog‘ozga “chuvalchang” deb yozib, qarmoqni suvga tashlabdi. Birozdan keyin qarmoqni ko‘tarsa, qog‘ozni orqa tomoniga “baliq” deb yozib qo‘yilganmish.