Afandi bir poshshoga baliq sovg‘a qildi. Poshsho bu sovg‘a uchun Afandiga xazinadan bir tilla in’om qildi. Afandi chiqib ketishi bilan vazir poshshoga dedi:
— Har kim baliq ko‘tarib kelsa bir tilladan beraversangiz xazina bo‘shab qoladi-ku?
— Darvoke, aytganingiz to‘g‘ri. Nima qilish kerak?
— Darhol Afandini qaytarib kelishni buyuring,— dedi vazir.
Poshsho Afandining ketidan odam yubordi-da, vazirga dedi:
— Tillani qaytarib ber desak kanday bo‘lar ekan?
— Buning iloji oson,— dedi vazir,— Afandidan balig‘ing erkakmi, urg‘ochimi deb so‘raysiz, urg‘ochi desa, «Menga erkak baliq kerak» deysiz, erkak desa, «Menga urg‘ochi baliq kerak» deysizu tillani qaytarib olasiz.
Afandi keldi. Poshsho undan so‘radi:
— Balig‘ing erkakmi urg‘ochimi?
Afandi poshshoning niyatini payqab:
— Balig‘im xunasa edi,— deb javob berdi.
Poshsho uning ziyrakligiga qoyil qolib, yana bir tilla in’om qildi.
ENG MAShHUR YoLG‘ONLAR.
— Seni laylaklar olib kelgan...
— Seni o‘ylab tuni bilan uxlay olmadim...
— Ayollarni xunugi bo‘lmaydi...
— Hamma bir kishi uchun, bir kishi hamma uchun...
— Xuddi siz uchun tayorlangandek sizga juda yarashdi...
— Men uchun eng muhimi qalb go‘zalligi, yuz go‘zalligi emas...
— O‘tirsangiz, osh pishayotgan edi...
— Bizni taklif qilishdi, lekin biz bormadik...
— Orqasidan gapiryapman, shu yerda bo‘lsa yuziga ham aytaman...
— Oxirgisini sizga sotayapman, bundan boshqa qolmadi...
Ayol boshchilik qiladigan firmada bir yigit ishlar ekan, u hamma bilan garov o‘ynab doim yutib olarkan, buni eshitgan boshliq yigitni chaqirib:
— Siz garovda hammani yutar ekansiz, buni siri bormi? - deb so‘rabdi.
Yigit:
— Hech qanaqa sir yo‘q, xohlasangiz siz bilan ham o‘ynab yutishim mumkin, - debdi.
Ayol:
— Mayli, nima haqida o‘ynaymiz?
Yigit:
— Ishonasizmi, rosa 3 kunda sizni yelkangizda xol paydo bo‘ladi, - debdi.
Xullas ular 100$ dan bahslashibdi. Oradan 3kun o‘tib ayol yigitni chaqirib:
— Yigitcha, siz yutqazdiz, hech qanaqa xol chiqmadi, - desa.
Yigit:
— Yo‘g‘-ye, ko‘rsatingchi?
Ayol ko‘rsatibdi, yigit pulni berib chiqib ketayotsa
Ayol:
— Ha yigit, nima bo‘ldi? 100ga tushdiz-ku, - desa.
Yigit:
— Zarari yo‘q, xonim, ana u derazadan poylab turgan uchchovi bilan boshlig‘imizni yechintiraman deb, 300dan garov o‘ynaganman, - dermish.
Kecha ishxonamizda haqiqat kuni qildik. Hammamiz haqiqat izladik. Bugun endi, hammamiz yangi ish izlayapmiz.