Bir kishi zoodo‘kondan "gapira oladigan" to‘tiqush sotib olibdi.
Ertasi kuni qaytib kelib:
— Kecha sizlardan sotib olgan to‘tiqushim gapirmayapti! - debdi.
Sotuvchi:
— Qo‘ng‘iroqcha xarid qilib, qafasga osib qo‘ying, gapiradi, - debdi.
Xaridor qo‘ng‘iroqchani olib, uyga ketibdi. Ertasiga yana qaytib kelibdi:
— Baribir gapirmayapti, - debdi.
— Ko‘zgu sotib olib, qafas ichiga o‘rnatsangiz, gapiradi, - debdi sotuvchi. Xaridor hamma kerakli narsalarni - ko‘zgu, arg‘imchoq, qo‘noq sotib olib, qafas ichiga ilib tashlabdi.
Bir haftadan keyin do‘konga qaytib kelgan xaridor o‘zida yo‘q xursand emish. Sotuvchi:
— Nima bo‘ldi ? - desa, to‘tiqush egasi debdi:
— Gapirdi! Gapirdi! Sotuvchi:
— Nima deb gapirdi? - desa,
— Qachon ovqat berasan, qovoqmiya!!! dedi - debdi xaridor quvonib...!

To‘rt yahudiy va to‘rt o‘zbek Toshkentdan Moskvaga borish uchun poyezdga o‘tirishibdi. To‘rttala yahudiy har bittasi bittadan bilet olishibdi, o‘zbeklar bo‘lsa to‘rtalasi bitta bilet olibdi. Yahudiylar hayron bo‘lib, "bular nima qilar ekan, - deb kuzatib tursa.
Provodnik biletlarni tekshirishni boshlaganda, to‘rttala o‘zbek bitta tualetga kirib olibdi. Provodnik tualetda bitta odam bor, deb tualet eshigini taqillatib bilet so‘rabdi. Eshik qiya ochilib, bitta biletni ko‘rsatishibdi, provodnik o‘tib ketibdi.
Yahudiylar qoyil qolibdi va Moskvadan qaytishda, ular ham to‘rttasi bitta bilet olibdi, O‘zbeklar bo‘lsa birorta ham bilet olmabdi. Provodnik tekshirishni boshlabdi. Yaxudiylar yugurib tualetga kirib olibdi. Shu payt eshik taqillabdi. Yahudiylar biletni tashqariga uzatishibdi. O‘zbeklar biletni olib narigi tualetga yugurishibdi.