— 15 sutkani qanday olding, deb so‘rayapsizmi?
Ko‘chada ketayotgan edim. Ikkita militsiya xodimi kelib:
— Yuring, guvoh bo‘lasiz, - deyishdi.
Shunda tilim qichib:
— ZAGSdan o‘tasizlarmi, - deb yuboribman...
Bir kuni geografiya o‘qituvchisi globusni ko‘rsatib:
— Soliyev Afrika qani?, - desa Soliyev:
— Men olmadim ustoz, - debdi.
O‘qituvchi yana so‘rabdi:
— Soliyev Afrikani menga topib ber!
Soliyev:
— Ustoz rostini aytyapman, men olmadim.
Shunda o‘qituvchi:
— Bor, dadangni chaqir!, - debdi. Dadasi kelgach:
— O‘g‘lingizga Afrikani ko‘rsat, qani deb so‘rasam, men olmadim deydi. Bunga nima deysiz?, - debdi.
Dadasi o‘g‘liga o‘girilib:
— O‘g‘lim, olgan bo‘lsang, qaytib ber!, - dermish. Aqldan ozay degan ustoz ota-bolani qo‘shnisini ko‘chada ko‘rib qolibdi-da, bo‘lgan voqeani gapirib bersa, qo‘shnisi:
— O‘zi bular shunaqa, olgan narsasini qaytarib berishmaydi, - dermish.
Xotin eriga nolibdi:
— Bilganimda, sizgamas, shaytonga turmushga chiqardim!
Eri:
— Aka-singillar turmush qurishmaydi, - dermish.
Bir qiz uyiga dugonasini mehmonga olib kelibdi. Dugonasi hammomga kirishga ijozat so‘rabdi va hammomga kiribdi.
Hammomdan chiqib:
— Hammomda ikki xil sochiq bor ekan. Birida "K", ikkinchisida "B" belgilari bor ekan. Men "K" belgisi boriga artindim. Axir "K" — Kattalar uchun, "B" — Bolalar uchun, to‘g‘rimi?, — debdi.
Shunda qiz:
— «B» — Betniki edi, — debdi.