Келинлар ҳақида латифалар

Янги келинчак эрига дебди:
— Чиройли кўйлаклар олиб бермасангиз, сайёҳатга олиб бормасангиз, нима қилардингиз менга уйланиб!
Эри бўлса унга қараб:
— Овқат пиширишни, шим дазмоллашни барибир ўрганмас экансан, нима қилардинг турмушга чиқиб?! – дебди.
Иккита овсин суҳбати:
— Олдингизда 2 та қоп турибди дейлик. Бир қоп тилла билан бир қоп ақл.
Сиз қайси бирини танлаган бўлардингиз?
— Ақлни танлаган бўлардим, - дебди овсин ўзини кўрсатмоқчи бўлиб.
— Ҳамма ўзига етмаганини оладида, - дебди овсини.
Иккита овсин ўтирволиб, биттаси кулармиш, иккинчиси йиғлармиш.
Биттаси қайнонаси зинадан йиқилиб тушгани учун кулармиш.
Иккинчиси нега йиғлаётганига тушунмадингизми?
У қайнонаси йиқилиб тушганини кўрмай қолдим деб йиғларкан.
Келинига телефон қилган қайнона сўрабди:
— Ўғлим қалай? Яхши юрибдими?
Келини:
— Ҳа. Ҳар куни маст бўлиб ярим тунда уйга келадилар. Ишга бормаяптилар. Нотаниш аёллар телефон қилиб гаплашиб ўтиришади.
Қайнонаси:
— Хайрият! Касал бўлмаса бўлди!
Янги келинчак Гитлерга ўхшайди.
2-3 ой режа тузади-да, бир умр жанг қилади.
— Қизингни турмушга берибсан, куёвинг қалай экан?
— Жуда яхши чиқди куёвим, кўз тегмасин. Қизимга тилла тақинчоқлар, кўйлаклар олиб беряпти!
— Ўғлингни ҳам уйлантирибсан деб эшитдим, келининг-чи, у ҳам яхшими?
— Қуриб кетсин! Келин эмас, балони ўзгинаси! Бир қарасанг тилла олиб беринг деб харҳаша қилади, бир қарасанг кийим сўрайди...!
Тўйда келин-куёв ўтирса, келин куёвга шивирлармиш:
— Тезроқ тўй тугаса-ю, ичкарига кираволсак...!
Куёв келинга қараб:
— Сизни ҳам оёғингизни янги туфли сиқиб юбордими-а?!
Қайнонанинг хасрати:
Уйга Wi-Fi ўрнатганимиздан буён келиним овқатларни тайёрлашни интернетдан бемалол кўриб оляпти.Фақат энди пиширишга вақти бўлмаяпти. Қўшни аёллар "Wi-Fi ни ўчириб қўйинг" дейишяпти. Тушунолмадим...?!