Оила ҳақида латифалар

Йигит:
— Менга турмушга чиқасизми?
Қиз:
— Мен турмушга чиқадиган йигит кучли ва ишбилармон ҳам бўлиши керак.
Йигит:
— Ахир мен сени безорилардан қутқардим-ку!
Қиз:
— Албатта! Лекин ишбилармон эмассиз-ку?!
Йигит:
— Агар билсанг, ўша безориларни юборган ҳам мен бўламан.
Ички ишлар бўлимига келган эркак милиция ходимига мурожат қилди:
— Тунда бизнинг уйга ўғриликка кирган жиноятчи билан гаплашсам бўладими?
— Нимани гаплашасиз?
— Хотинимга билдирмай тунда қандай қилиб уйимизга кирганини сўраб олмоқчиман.
Акаси синглисига дебди:
— Косадаги мураббони еб қўйганимни ойимга айтмагин!
Ойиси ишдан келса, синглиси дебди:
— Ойижон, акам мураббони еб қўйганини сизга ҳеч қачон айтмайман!
Иккита кайфи ошиб қолган улфатлар ярим тунда уйга қайтаётиб бири дебди:
— Гаров ўйнайсанми? Ҳозир мени хотиним эшикни “Жоним” деган сўз билан очади.
Иккинчиси:
— Нималар деяпсан? Сен ўлгудек мастсан! Ярим тунда уйга қайтяпсан? Қанақасига хотининг “Жоним” десин!?
— Ҳозир кўрасан! – дебди-да, эшик қўнғироғини босиб дебди:
— Эшикни оч жоним...
Хотини бўлса:
— Жоним?! Ҳозир таъзирингизни бераман! – деб эшикни очган экан.
— Одилжон, сен кимнинг гапини кўпроқ эшитасан, адангними ёки ойингними?
— Ойимни.
— Нега?
— Ойим кўпроқ гапирадилар-да.
Тўй авжиган чиққан. Ҳамма хурсанд. Ўйин-кулги қизиган вақт тўйхонада ўйнаб юрган болакайлар бир-бирига:
— Куёв билан бир ҳазиллашамизми? Кетдик! – деб келин-куёвни олдига боришибди-да куёвга:
— Ада, бизлар билан ҳам расмга тушинг, - дебди.
Барча қайноналарга савол:
Агар келинингиз ҳамма нарсасини йиғиштириб, уйдан бутунлай кетаётган бўлса яна 2 ҳафта сизга хизмат қилиб бериши шартми?
Бир одамни хотини эрига дебди:
— Адаси озмоқчиман! Белимга обрач олиб келиб беринг...
Эри “Хўп” деб, эртасига обрач олиб келиб берса, хотинини белига шундоқ лойиқ келибди. Хотини “Вой! Нега бунақасини олиб келасиз?!” деб минғирласа, эри хурсанд бўлиб:
— Ана хотин кўрдингми? Сени размерингни топибман! Лоп-лойиқ келди-я... Кўйлак олиб бермасам ҳам ўлчамларингни яхши биламан, – дермиш.
Аёлингизга “Сен кимга ҳам кераксан?!” деманг!
Ҳаттоки, Шрекнинг хотинига ҳам харидорлар чиққан...
Қиз болани уйига совчилар келиб-кетибди.
Онаси:
— Нимаси ёқмади? Туппа-тузук йигит-ку!
Қиз:
— Ёқмади! Сариқ-машак! Сочини қаранг, сап-сариқ!
Қўшни хонада қизини гапини эшитиб ўтирган адаси:
— Тегавер, зарари йўқ! Сен билан 1 йил яшаса, сочи оппоқ бўлади-ку!