Пул-бойлик ҳақида латифалар

Чиройли бир официант қиз ресторанда хўрандага хизмат кўрсатмоқда. Овқатланиб бўлгач, у ҳисобни келтирибди.
Хўранда пулни тўлагач, қизга гап отибди:
— Сиз учун доим эшитиш ёқимли бўлган уч сўз бор. Тўғрими?
— Ҳа, шундай.
— Хоҳласангиз, мен бу сўзларни топаман.
— Майли, ҳаракат қилиб кўринг.
— Мен сизни севаман.
— Тополмадингиз! Бу сўз - "Қайтими керак эмас» эди.

Хотиним санаториядан қайтиб келгач, электр ҳисоблагичга қараб, неча кун уйда тунамаганимни аниқ айтиб берди.

— Дугонажон қандай қилиб бир ойлик маошни бир кунда сарфлаш мумкин?
— Маошингни олгин, кўрсатаман!

Ростан ҳам ўша бойвоччага севиб турмушга чиқдими? Албатта, мен уни миллионларига турмушга чиқдим.

Ошиқ йигит ҳикояси:
Севган қизим китоб ўқишни жуда яхши кўришини, ҳар куни китоб ўқишини айтди. Унинг туғилган кунига қизиқарли китоб сотиб олдим-да, 10-саҳифасига совға пул солиб қўйдим. Орадан 1 ой ўтса ҳам, севган қизим пулга етиб келмаяпти...

Ресторанда икки йигит ён столдаги кетворган қизларни томоша қилиб ўтиришибди. Биринчиси:
— Юр танишмимизами?
— Дўстим бирпаст кутиб тур, олдин столга пулини тўлашсин.

Криштиано Рональдо Пахтакор футбол клуби билан 5 йиллик шартнома имзолабди. Журналистлар интервю ундан оляпди:
— Сиз Пахтакорга қандай келиб қолдингиз?
— Тасодифан. Тошкентга борганимда мухлисларга дастхат бергандим. Шуларни ичида битта мухлис 5 йиллик шартномани узатса, билмасдан қўл қўйиб берибман.
— Сир бўлмаса, қанча маош ваъда қилишди?
— Маошим ҳафтасига 100 минг сўм. У ҳам бўлса 100 фоиз пластик карточкага тушармиш...!

Бир йигитга кўчада майда пул зарур бўлиб қолибди.
Чўнтагига қўл солса, 50 минг сўмлик чиқибди. Атрофда ҳеч ким йўқ, фақат йўл четида ГАИ ходими турган экан.
— Кечирасиз, шуни майдалаб бера олмайсизми?! - дебди йигит пулни узатиб.
ГАИ ходими пулга қараб туриб:
— Узр, ўзи ҳозиргина постга турдим. Ҳали пул йўқ, - дермиш.

Эр хотинига деди:
— Арзанда ўғлинг яна ҳамёнимдан пулларимни ўмарибди!
— Нега энди у бўларкан? Балки мен олгандирман ...
— Йўқ, сен эмас! Ҳамёнимда пулларимни ярми қолиб кетибди.

Иккита корхонанинг раҳбарлари гаплашиб ўтиришган экан.
— Мен ишчиларимга икки ойдан бери маош бермасам ҳам ишга келаверишади, - дебди биринчиси.
— Мен эса уч ойдан бери ишчиларимга умуман ойлик бермаяпман. Барибир ҳаммаси келаверади. Энди ишга келишни ҳам пуллик қилиб қўймоқчиман, - дермиш иккинчиси.