Қисқа ҳақида латифалар

Хотин эридан:
— Адаси, овқат қилиб қўйдингизми? - деб сўраса, эри:
— Нима, мени ўзингга ўхшатяпсанми? Кирларни ҳам ювиб қўйганман! - дермиш.
Компьютер дастурчиси пианинонинг олдига келиб, уни узоқ кўздан кечириб, дермиш:
— Клавиатура ноқулай. Бор-йўғи 84 та клавишалар бор, уларни-ям яримидан кўпи функционал клавишлар. Ҳеч қайсида ёзуви йўқ. Лекин «Шифт»нинг оёқ билан босилиши зўр экан.
— Дада "Мужик" нима дегани?
— "Мужик" дегани - ўзи ишлаб, пул топиб, оиласини боқадиган инсон!
— Дада, катта бўлсам мен ҳам ойимга ўхшаб мужик бўламан!
— Касбинг нима?
— Бекорчиман!
— Унда қўшиқчи бўлақол!
— Йўғ-е, унчалик бекорчи эмасман...
Евро-2016 футбол ўйинларидан сўнг, Россия терма жамоаси ўйинчиларига доппинг қабул қилишга УЕФА томонидан расман рухсат берилди.
— Тилла балиқдан онаси ўпмаган, адаси сўкмаган, бемаҳалда кўчада юрмаган, интернетни билмаган, телеграммга кирмаган, скайпда кўришмаган қизни сўрагандим.
— Хўш нима бўлди?
— Ўзини ўлганга солиб олди.
Бир йигит табибга бориб:
— Негадир мени гапимни ҳеч ким эшитмаяпти. Уйдагилар, ишхонадагилар, кўчадагилар, ҳеч-ким... Сиз бирор чорасини топа оласизми деб ёнингизга келдим, - деса, табиб:
— Гапирсанг, тезроқ гапир ука. Мени вақтимни олма!, - дермиш.
Бир куни Афанди дўкондан бонусли Соcа-cоlа сотиб олибди. Қопқоғини очиб қараса, "Яна уриниб кўринг" деган ёзув чиқибди. Шунда афанди қопқоқни қайтадан ёпиб-очаётганмуш.
Олдинлари супермаркетга 2 минг сўм билан кириб, 2 та кола, 3 пачка чипс, 2 қути писта олиб чиқардим.
Ҳозир ҳамма ёққа камера қўйиб ташлашибди...
Табиатда 25 градус совуққа ҳам чидайдиган учта мавжудод бор:
1. Пингвинлар
2. Оқ айиқлар
3. Мини юбка кийган олифта қизлар!