— Bir daqiqa kulgu umrni besh daqiqaga uzaytirishi rostmi?
— Bu kimni ustidan kulishingga bog‘liq...! Boshqa umuman kulmasliging ham mumkin...
— Do‘stim, kap-katta odamga bekor yurish yarashmaydi…
— E-e, bekor yurib zaril keptimi? Yo-yotibmiz.
Chiroq "E" ovozi bilan o‘chsa, bilingki xojatxonada kimdir bor.
Kechadan beri telefonimga SMS keladi. Nima emish, “Zamonaviy va ozoda jamoat xojatxonalarini tashkil eting va soliq imtiyozlariga ega bo‘ling!” Zamonaviy qilib-ku qurib qo‘yishar, ammo ozodaligini qanday saqlashadi? Bechora tadbirkorlarimiz...
O‘qilmagan kitoblar qasos oladilar. Masalan, Jinoyat Kodeksi, benzopila bilan foydalanish yo‘riqnomasi..
Chet elda qattiq shamol tufayli yuz minglab odamlar elektr tokisiz qolsa jar solishadi.
Lekin ayrim hududlarda hech bir sababsiz, minglab odamlar elektr tokisiz qolsa hech kimni ishi yo‘q.
— Eshmat peshonangdagi shish qayerdan paydo bo‘ldi?
— Anavi devordagi qoziqni ko‘ryapsanmi?
— Ko‘ryapman.
— Men esa ko‘rmadim.
Meni ertaga bajarishim kerak bo‘lgan ishlarim:
1. Anavi...
2. Manavi...
3. Unisi...
4. Bunisi...
...
Suqrotga:
— Qara, odamlar ortingdan seni haqorat qilishyapti, - deyishibdi.
Shunda Suqrot:
— Ortimdan bo‘lsa kaltaklashsa ham mayli, - degan ekan.
11:00 — boshim og‘rib ketyapti...
23:00 — o‘zimni juda tetik his qilyapman.