Er-xotin haqida latifalar

Er xotiniga:
— Nahotki bu dugonang bilan bor-yo‘g‘i yarim soat gaplashding?!
Xotini:
— Yo‘g‘-ye, dugonammas! Adashib tushibdi...

Mahbus xotinidan xat olibdi. O‘qib chiqqach, kameradoshlari:
— Xotining nima deb yozibdi? - desa, mahbus:
— E, o‘g‘lim ikkinchi yil ham beshinchi sinfda qoladigan bo‘pti… Oilamizni sharmanda qilibdi yaramas! - dermish.

Vrach bemor erkakni ko‘rikdan o‘tkazib bo‘lgach, tashqariga chiqib terishini so‘rabdi va bemorni xotini bilan gaplashib olishi kerakligini aytibdi.
— Eringizni ahvoli jiddiy! – deb gap boshlabdi vrach. — Agar uzoq umr ko‘rishini xohlasangiz, unga faqat yaxshi gapirish, mazali taomlar tayyorlab berishingiz, dam olishini ta’minlashingiz, eng muhimi asabiylashmasligi kerak! – debdi.
Xotin vrachni xonasidan chiqib, eri bilan uyga ketayotsa, yo‘lda eri so‘rabdi:
— Vrach nima dedi xotin?
— Sizni uzoq yashamasligingizni aytdi, - debdi xotini.

Bir ayol eriga:
—Adasi, kecha tushimga kiribsiz. Tushimda menga chiroyli ko‘ylaklar olib bergan emishsiz, - debdi.
Eri bo‘lsa kulib:
— Yaxshi bo‘lsang, bugun tushingda taqinchoqlar olib beraman, - dermish.

Agar er-xotin urushib qolsa, xotin "Onamnikiga ketaman" deydi.
Ichkuyov bo‘lsa, er nima derkin?!

Bir yigit saharlab bozorga shoshilib tursa aksiga olib uch g‘ildirakli motosikli yurmay qolibdi.
Xotini ayvonda turib ustidan kulayotganmish:
“Yana bitta g‘ildiragi bo‘lganida mashina bo‘lib qolardi-a, adasi?!”

— Dadasi, go‘zal ayollarni ko‘rsangiz meni unutasiz-a?!
— Aksincha xotin! O‘sha payt seni eslab chuqur xo‘rsinib qo‘yaman.

Xotin eridan so‘rayotganmish:
— Adasi, sochlarim chiroylimi?
— Ha, chiroyli.
— Ko‘zlarim-chi?
— Ko‘zlaring ham.
— Burnim chiroyli-a?
Er hayron bo‘lib:
— Nima, ko‘zguda ko‘rinmayapsanmi???