Erkaklar sartaroshxonasida:
— Sizga upa surib qo‘yaymi?
— Bu ham soch olishni bahosiga kiradimi?
— Ha.
— Unda, menga upani o‘rab bera qoling. Xotinimga olib boraman.
Bir ayol qo‘shnisiga dardini ayta boshlabdi:
— Bir haftadan beri erimdan hojatxonani ta’mirlab berishini so‘rayman.
— Xo‘sh, nima bo‘ldi?
— Yakshanba kuni hojatxona eshigiga "Kirish man etiladi. Ta’mirlanmoqda" degan yozuvni ilib, o‘zi choyxonaga ketib qolibdi.
Bojalar suhbati:
— Boja, sizga bitta yaxshi, bitta yomon xabarim bor. Qaysi biridan boshlay?
— Yaxshisidan.
— Meni tabriklang! Qaynonamiz o‘n kun biznikida turib, vanihoyat bugun ketyapti...
— Zo‘r-ku! Yomoni-chi?
— Endi o‘n kun sizlarnikida turib, keyin uyiga qaytmoqchi.
— Eshik tirqishidan mo‘ralash odobdan emas.
— Eshik tirqishiga har xil holatda ko‘rinish-chi, odobdanmi shu?!
— Nega ayollarning tepa sochi to‘kilmaydi?
— Bilmadim, nega ekan?
— Chunki ularning xotini bo‘lmaydi!
Bir yigit kasalxonada boshdan-oyoq gips holatda yotgan emish. Yoniga bir do‘sti uni ko‘rgani keldi va undan so‘radi:
— Iye, Alijon do‘stim qanday qilib bu ahvolga tushib qolding?
Alijon:
— Bir mashina katta tezlikda kelib, qaynonamni urib yubordi.
Do‘sti yana so‘radi:
— Qaynonangni mashina urib ketgan bo‘lsa, sen nega bu ahvolda yotibsan?
Alijon:
— O‘sha mashinani g‘ildiragini o‘paman degandim... shu xolos.
Dunyodagi 95 foiz qizlar bir xil turdagi yigitni orzu qilishadi:
Ichmaydigan, chekmaydigan, oliyjanob, haddan ziyod tartibli, juda kelishgan, badavlat, quvnoq, farosatli, aqilli, ...
Lekin shuncha ijobiy xislatlari bo‘la turib, hanuzgacha bo‘ydoq yurgan yigitni hech kim ko‘rmagan...!
Ikkita odam poyezd kupesida ketmoqda.
Biri ikkinchisiga:
— Karta o‘ynamaymizmi?! Yo‘l olis...
— Men karta o‘ynashni bilmayman-da.
— Men ham deyarli bilmayman! - deb cho‘ntagidan kartani chiqarib, ikki-uch martta aralashtirishdi-da, birdaniga:
— Voy, bu yerda ikkita karta yetishmayapti. Valet g‘isht va qirol qarg‘a...!
Ichmaydigan, uyim-joyim deydigan, mehnatkash, to‘g‘riso‘z, vafodor erkaklar huddi humo qushiga o‘xshaydi.\nHamma u haqida eshitadi, lekin hech kim uchratmaydi!
Militsiyaga bir erkak qo‘ng‘iroq qilyapti:
— Allo, militsiya, xotinim yo‘qolib qoldi!
— Tinchlaning, qayerga ketgan edi xotiningiz?
— Do‘konga deb chiqib ketgandi...
— Xotiningizni belgilari: Bo‘yi? Soch rangi?
— Bilmayman, bo‘yini o‘lchab ko‘rmagandim. Sochini rangini har hafta almashtirib turadi. Oxirgisi yodimda yo‘q!
— Ko‘zini rangi-chi?
— Hecham ahamiyat bermaganman.
— Qanday kiyimda edi?
— Bilmayman ...
— Mashinada ketganmidi?
— Ha, ha. Mashinada!!! Lasetti. Rangi oq, 2015 yil, avtomat korobka, o‘rindiqlar charmdan, galogen chiroqli, qishki shinalar o‘rnatilgan, salonga monitor ham o‘rnatib bergan edim, - deb yig‘lab yuboribdi.
— Havotir olmang, mashinangizni albatta topib beramiz!