Uchta yigit ko‘ldan suzib o‘tish bo‘yicha musobaqa uyushtirishibdi.
Ikkita yigit ko‘lning 5 dan 1 qismini suzib o‘tib, charchab orqaga qaytibdi.
Uchinchi yigit ko‘lni suzib ketayotib, ko‘lning 5 dan 4 qismini o‘tib, “E, charchadim. Uzoq ekan!” deb orqasiga qaytvaribdi.
Hurmatli erkaklar! Xotiningiz bozorda qimmat ko‘ylak kiyib olib, “Shuni olib berasiz!” deb turib olishsa, buni yo‘li juda oddiy.
“Juda chiroyli ko‘ylak ekan-ku, seni semiz qilib ko‘rsatyapti” desangiz bas! Bir zumda bunday katta chiqimdan qutulasiz-qo‘yasiz...
Yaqin do‘stlar choyxonada o‘tirishsa, bitta yigitni kayfi oshib qolibdi. O‘rtoqlari ustidan kulmoqchi bo‘lib, unga savol bera boshlashibdi:
— Eshikni qulfladingmi?
— Ha, - debdi yigit.
— Kalitni ikki martta aylantirdingmi?
— Ha, ikki martta, - deb yana javob beribdi.
— Kalitni oldingmi?
— Mana, cho‘ntagimga soldim...
— Bo‘ldi, unga boshqa quymanglar! Supada o‘tiribmiz-ku! Eshikni qulflaganmush...!!! – deb kulib yuborishibdi.
O‘rta yoshli, oilali yigitning hayollari:
“40 yoshga yetganimda sariq Lambordjini haydashni orzu qilib quvonar edim... Mana, shu yoshga ham to‘ldim. Hozir Korzinka ga kirib, oziq-ovqatlarning narxi yozilgan sariq rangdagi qog‘ozchalarga qarab sevinchim ichimga sig‘mayapti. Chegirmalar!!!”
Barcha ayollar erkaklarni quloqlari bilan sevishadi, o‘qlov bilan esa yomon ko‘rishadi.
— Tabriklayman do‘stim! Uylanibsan. To‘ydan keyin hayotingda nima o‘zgarishlar ro‘y berdi?
— Avval bitta odamga ovqat qilardim.
— Endi-chi?
— Endi, ikki kishilik ovqat qilyapman.
Boshida sochi juda-yam kam bir odam bor ekan.
Bir kuni2 dona sochi qolibdi.
Sochlarini ikki tarafga qilib, ishga ketibdi.
Ertasi kuni uyg‘onsa,boshida 1 tola soch qolganmush.
Ko‘zguga qarab, jahl bilan o‘ziga-o‘zi:
— Endi sochimni to‘zg‘itib, alvastiga o‘xshab ketarkanman-da, - degan ekan.
Bir kishining kasbi duradgor ekan. Xotini uyda yo‘qligida bolalariga ertak aytib bermoqchi bo‘libdi.
— O‘tgan zamonda bir mamlakat shahzodasi boshqa podshohlikning malikasini sevib qolibdi.
Malikaga xat yozib, kabutardan jo‘natibdi. Uch kecha-yu, uch kunduz uxlamasdan, malikadan xat kutibdi. Vanihoyat, kabutar uchib kelibdi.
— Keyin nima bo‘pti ada? – so‘rabdi qizi.
— Qarasa, oyog‘iga xat bog‘langan. Malika javob yozibdi, deb o‘ylab, shoshib-pishib xatni ochib qarasa...
— Nima yozilgan ekan xatda? – yana qiziqib so‘rabdi qizi.
— U yerda “Qilich va qalqonlarga buyurtma olamiz. Arzon narxlarda”, - degan reklama turganmish.
Ayrim ayollar ertalab oshxonaga chiqganlarida u yerda erini ko‘rishsa, "Tinchlikmi?" deb so‘rashadi...
Bir mayor samolyotdagi soldatlarga debdi:
— Bitta dushmanni "tinchitib", shaxsiy biror buyumini olib kelsangiz, har biriga 1 milliondan beraman.
Samolyot to‘xtabdi. Bir soatga bormasdan, soldatlar bir xalta buyumlar ko‘tarib kelishibdi.
Shunda haligi mayor:
— Bu nima qilganingiz axir biz o‘zimizni shaharga zapravkaga qo‘nib o‘tgan edik-ku! - degan ekan.