Айиқ, қуён ва бўрини ҳарбий хизматга чақиришибди. Йўлда уччаласи военкоматга кетаётган экан. Айиқ айтибди:
— Келинглар, келишиб олайлик! Военкомни олдига ким биринчи кирса, у саволларни бошқаларга айтади. Биз ҳам шу саволларга жавоб берамиз. Ҳаммани жавоби бир хил бўлса, бир жойда хизмат қиламиз, - дебди.
— Осонроқ хизмат - бу қурилиш батальони, - дебди бўри.
Биринчи бўлиб қуён кирибди. Қайтиб чиқиб, шундай дебди:
— Военком танкани, самолётни, машинани расмларини кўрсатади. Билмайман денглар. Кейин шкафни ичидан ғишт олиб столга қўяди. Бу ғишт деб айтинглар. Шунда ҳаммамизни қурилиш ботальонига ёзади. Бирга хизмат қиламиз.
Бўри кириб-чиқиб, — Ҳаммаси жойида, қурилишга, - дебди.
Айиқ кириб кетибди. Ичкарида военком айиқга саволлар берибди. Расмларни кўрсатибди. Айиқ билмаслигини айтибди. Военком энди ўрнидан туриб, шкафга қараб кетаётса, — Ғишт бор, ғишт бор!, - деб бақирибди айиқ. Военком бўлса:
— Қойил сенга! Сени қобилиятинг бор экан. Сен разведкага борасан, - дебди.
Битта йигитдан сўрашибди:
— Қайси олийгоҳга ўқишга кирдинг?
— АПЕЖга.
— Қайси олийгоҳ экан у?
— Адамни пули етган жойга! - дермиш.
Қадимги Хитойлик донишманлардан бири шундай деган экан:
并应任命一名代表的人 数的选举结果副手。选举的结果已经成为最新的直接，最新的直接，虽然由理事会任命 的长老
Уни фикрига тўлиқ қўшиламан. Бу ҳақиқат! Айниқса, мана бу гапи жуда таъсирли экан:
最新的直接
Ёш бола отасидан сўради:
— Одамлар катта бўлганда ўзгаришади? Қолганлар-чи?
— Ўзгаради. Қўзичоқ қўй бўлади, жўжа хўроз бўлади...
Болакай хурсанд бўлиб чопқиллаб кетибди:
— Ура, Матиз машинамиз яқинда Каптива бўлар экан...
Бир аёл эълонлар агентлигига мурожат қилибди:
— Илтимос сайтингизга эълон жойлаштирсангиз. Кучук боласи йўқолиб қолди. У ҳали жуда-ям кичкина...
— Сурати борми?
— Ҳа, мана!
— Ахир бу эркак кишини расми-ку...?
— Бу мени эрим. Йўқолган кучукчамиз унинг қўлларида турибди. Яхшилаб қаранг, кўрасиз!
Севги бу юқумли касаллик бўлиб, у одатда гап отишдан, телефон ва смс орқали юқади. Касаллик аломатлари: кечаси ухламаслик, тез-тез пайнетга бориш. Бу касаллик оқибатида бош оғрийди, юрак сиқилади, ундан сўнг аста-секин пастга тушиб, чўнтакни қуритиб чиқиб кетади.
Хотин ишдан келган эрига деди:
— Адаси, сизга битта яхши, битта ёмон янгилигим бор. Қай биридан бошлай?
— Ёмонини айт!
— Бугун машинамизда авария бўлдим. Ўзим тирик қолдим.
— Нимааа??? Хўп майли, энди яхшисини айт ...
Ёш болакай ариқдан 2 та балиқ овлабди. Уйга қайтиб боргач, акасига дебди:
— Акажон, челагимда нечта балиқ борлигини айтсангиз, иккаласини ҳам сизга бераман.
Акаси:
— Иккита балиқ бор, - деб болакайни балиқларини олиб қўйган экан.
Жуда-ям банд бўлган врач хонасига кирган "беморга" орқа ўгириб дебди:
— Кийимларингизни ечинг!
— Нима учун?
— Айтганимни қилинг, мен врачман!
— Хўп, мана ечиндим... Мен пицца етказиб бериш хизматидан эдим, ...аслида!
Учта бадавлат амалдорлар хотинлари ёзда қаерда дам олишни ёқтириши ҳақида бир-бирига мақтанишмоқда. Биринчиси:
—Мени хотиним ҳар йил ёзда Гавая оролларида дам олишни ёқтиради, - дебди.
Иккинчиси:
— Меники Туркияда дам олишни ёқтиради, - дебди.
Учинчиси:
— Мени хотиним ҳар йил ёзда Сочида дам олишни ёқтиради, - дебди.
Биттаси ҳайдовчисига қараб:
— Сени хотининг қаерга дам олишга юборасан, - деса,
— Ҳозирча хотинимни мендан кўнгли совигани йўқ, - дермиш.
Latifa.uz лойиҳаси ҳақида
Latifa.uz - ҳар куни янги ва сара ичакузди латифалар, ҳангомаларни тақдим қиламиз. Турли мавзуларда энг зўр латифалар: эр-хотин, севишганлар, дўстлар, ишхона, бозор, ҳайдовчилар, ўқитувчилар, шифокорлар, 8 март, янги йил, футбол, афанди ва яна кўплаб мавзуларда латифалар биринчи бўлиб бизнинг сайтимизда чиқади. Вақтингиз мароқли ўтади, дўстлар давраси, чойхона ва гапларда бизнинг латифаларни айтиб даврани бемалол қиздира оласиз. Долзарб мавзуларда кулгули расмлар, юморга бой диалоглар ҳам сизни мутлақо бефарқ қолдирмайди.
Ижтимоий тармоқларда тарқалган латифаларнинг аксарияти айнан Latifa.uz сайтининг канал ва саҳифаларидан олинади. Телеграм, Инстаграм, Фейсбук, Твиттерда бизнинг латифалар орқали одамлар бир-бирига ҳуш кайфият улашадилар. Шу билан бирга сайтимиз одамларни кайфиятини кўтарган ҳолда ёшларнинг саводхонлик даражасини ошириш, сифатли матнлар билан уларни кўпроқ мутоалаа қилишга қизиқтириш. Биз интернетда секс, порно, зўравонлик ҳамда 18+ матнларни тарқалишига мутлақ қаршимиз. Белдан пастга тушмаган самимий юмор билан одамларнинг ҳордиғини мазмунли ўтишига ҳисса қўшиш учун астойдил ҳаракатдамиз, ёшлар орасида эротика ва порнография тарқалишини олдини олишни тўлиқ қўллаб қувватлаймиз.
Агарда бирон-бир латифа бўйича эътирозлар бўлса, бизга ҳабар берсангиз сайтдан ўчириб ташлаймиз.