Ало. Бу тез ёрдамми?
— Ҳа, тез ёрдам.
— Ўғлим ёзиб турган ручкамни ютиб юборди, тез келинг.
— Хўп.
— Ҳа мен унгача нима килай?
— Биз боргунча қаламда ёзиб туринг.
Бир бой кексайиб қолганига қарамай, Афандининг қизига ишқибоз бўлиб қолди:
— Жонгинам, сизни севиб қолдим, сувга десангиз — сувга, ўтга десангиз — ўтга сиз учун киришга тайёрман,— деди у.
— Ерга киринг, десам-чи? — деди қиз.
Аёл:
— Наҳотки, менга мўйнали пальто олиб беришга оғринсангиз? Кўча совуқ ахир, ўлиб-нетиб қолсам, кўмиш учун пўстинга қараганда бир неча баробар кўп пул кетади-ку?
— Э-э, кўмиш бир марта бўлади, хотин!
— Дўстим, кап-катта одамга бекор юриш ярашмайди…
— Э-э, бекор юриб зарил кептими? Ё-ётибмиз.
— Дўстим, узр, машинанг билан озроқ муаммо чиқиб қолди..
— Нима қилдинг?
— Карбюраторига сув кириб кетди.
— Сен карбюраторнинг фарқига борармидинг?! Қани, айтчи, карбюратор қаерда жойлашган?
— Машинангда
— Ҳa—ҳa, Машинам қаерда бўлмаса?
— Дарёда!
Бир савдогар шаҳардан мол олиб, бошқа шаҳарга элтиб, сотиб юрарди. Кунларнинг бирида молларини сотиб бўлди-да, пулини этик қўнжига тиқиб, ўз шаҳрига жўнади. Бундан ўғрилар хабардор бўлиб, унинг пайига тушдилар. Савдогар поездга чиқувди, улар ҳам кетидан чиқишди. Кеч киргач, савдогар бепарво ухлаб ётаверди.
Ўғрилар секин у ётган жойга келдилар-да, «Пул қайси оёғида экан? Ўнгидами, чапидами?» деб, иккиланиб, таваккалига бир оёғини ўткир болта билан чопиб, опқочиб кетдилар. Бирдан вагоннинг ичи тўс-тўполон бўлиб кетди. Йўловчилар савдогарнинг ҳолига ачинардилар. У бўлса ҳадеб «худога шукур, худога шукур» дерди.
— Ие, нимага шукур қиляпсиз? Ахир бир оёғингиз...
— Э қизиқ экансизлар-ку! Пуллик оёғим омон қолибди-да! Шунга шукур қиляпман...
Самолётда бир гуруҳ жинниларни бир шаҳардан иккинчи шаҳарга олиб кетишяпти. Табийки улар билан бирга даволовчи врачлар ҳам бор экан.
Врачлардан бири жинниларни ҳар бирига 1 шишадан газли сув тарқатиб чиқибди.
Жиннилар газли сувни ичишиб бўлишгач, бирин кетин ўзларини самолётдан пастга ташлай бошлашибди. Фақатгина битта жинни ўзини ташламабди. Врачлар ундан:
— Шерикларинг қаёққа кетишди? деб сўрашибди.
— Улар магазинга бутилка топширгани кетишди - дебди.
— Сен нега бормадинг? - сўрашибди врачлар.
— А мен уларга ухшаб жиннимасман, бугун якшанба магазин ишламайдику - дебди.
Серқатнов йўлда "Мерседес" билан "Тойота" тўқнашиб кетибди. "Мерседес" дан тўрт барзанги тушди-да, "Тойота" салонидан нозиккина йигитчани ташқарига олиб чикиб, тепкилай кетди. Йигитча чидолмай қичкирди:
— Ахир бу "Тойота-а-а"! Барзангилар уни баттар тепкилай бошлашди. Охири чарчаб калтаклашдан тўхташганди, йигитча зўрға шивирлаб:
— Ахир бу "Тойота"! Рули ўнг тарафда-ку!
Фермер хотинига:
— Хотинжон, баҳорда атроф қандай гўзал-а! Қайнонамни, опа-сингилларингни, амма-ю холаларингни қизларини, дугоналарингни, хуллас ҳамма аёл қариндошларингни уйимизга чақир. Сизларга табиат қўйнида ош дамлаб бермокчиман, - деса
Хотини:
— Вой, ўзимни мард эржоним-ей, бизни тоққа олиб борасизми, - деса
Эри:
— Қанақа тоғ?! Кузда экиб қўйган 3 гектар пиёзимни ўт босиб кетибди, далага пиёз ўтоққа борасизлар, - дермиш.
— Деразани ким синдирди?
— Эрим...
— Эринг оғир-босиқ одам эди-ку?
— Гулдонни отган эдим, энгашиб олдида номард!
Latifa.uz лойиҳаси ҳақида
Latifa.uz - ҳар куни янги ва сара ичакузди латифалар, ҳангомаларни тақдим қиламиз. Турли мавзуларда энг зўр латифалар: эр-хотин, севишганлар, дўстлар, ишхона, бозор, ҳайдовчилар, ўқитувчилар, шифокорлар, 8 март, янги йил, футбол, афанди ва яна кўплаб мавзуларда латифалар биринчи бўлиб бизнинг сайтимизда чиқади. Вақтингиз мароқли ўтади, дўстлар давраси, чойхона ва гапларда бизнинг латифаларни айтиб даврани бемалол қиздира оласиз. Долзарб мавзуларда кулгули расмлар, юморга бой диалоглар ҳам сизни мутлақо бефарқ қолдирмайди.
Ижтимоий тармоқларда тарқалган латифаларнинг аксарияти айнан Latifa.uz сайтининг канал ва саҳифаларидан олинади. Телеграм, Инстаграм, Фейсбук, Твиттерда бизнинг латифалар орқали одамлар бир-бирига ҳуш кайфият улашадилар. Шу билан бирга сайтимиз одамларни кайфиятини кўтарган ҳолда ёшларнинг саводхонлик даражасини ошириш, сифатли матнлар билан уларни кўпроқ мутоалаа қилишга қизиқтириш. Биз интернетда секс, порно, зўравонлик ҳамда 18+ матнларни тарқалишига мутлақ қаршимиз. Белдан пастга тушмаган самимий юмор билан одамларнинг ҳордиғини мазмунли ўтишига ҳисса қўшиш учун астойдил ҳаракатдамиз, ёшлар орасида эротика ва порнография тарқалишини олдини олишни тўлиқ қўллаб қувватлаймиз.
Агарда бирон-бир латифа бўйича эътирозлар бўлса, бизга ҳабар берсангиз сайтдан ўчириб ташлаймиз.