Эшмат лофчи Тошмат лофчига айтармиш: Биласанми, кеча яп-янги "Малибу"ни салондан олиб чиқиб, сенинг кўчангда, нақ балконинг тагида уёқдан буёққа, буёқдан уёққа роса маза қилиб ҳайдадим, кўрмадинг.
Тошмат лофчи жавоб берибди: Кеча банд эдим. Уйимга Муниса Ризаева билан Шаҳзода келганди. Маза қилиб чой ичиб, ўтирдик.
Эшмат лофчи: Йўғе, нега мени чақирмадинг?, деса, Тошмат лофчи: Айб ўзингда. Чақирмоқчи бўлиб, балконга чиқсам, кўчада уёқдан бу ёққа, бу ёқдан у ёққа юриб, эшитмадинг, дермиш...
Tўpт яҳудий ва тўрт ўзбек Тошкентдан Москвага бориш учун поездга ўтиришибди. Тўрттала яҳудий ҳар биттаси биттадан билет олишибди, ўзбеклар бўлса тўрталаси битта билет олибди. Яҳудийлар ҳайрон бўлиб, "булар нима қилар экан, - деб кузатиб турса.
Проводник билетларни текширишни бошлаганда, тўрттала ўзбек битта туалетга кириб олибди. Проводник туалетда битта одам бор, деб туалет эшигини тақиллатиб билет сўрабди. Эшик қия очилиб, битта билетни кўрсатишибди, проводник ўтиб кетибди.
Яҳудийлар қойил қолибди ва Москвадан қайтишда, улар ҳам тўрттаси битта билет олибди, Ўзбеклар бўлса бирорта ҳам билет олмабди. Проводник текширишни бошлабди. Яхудийлар югуриб туалетга кириб олибди. Шу пайт эшик тақиллабди. Яҳудийлар билетни ташқарига узатишибди. Ўзбеклар билетни олиб нариги туалетга югуришибди.