Ойим менга нуқул "Уйда ўтираверсанг, ҳеч нарсага эришолмайсан!" дер эдилар.
Энди эса уйда ўтириб, дунёни қутқаряпман.
Йигит:
— Мен сизни севаман.
Қиз:
— Ким бу?
Йигит яна:
— Мен сизни жуда қаттиқ севаман.
Қиз:
— Ким бу деяпман? Менга бундай СМСларни ёзманг!
Йигит:
— Мени иккита Каптивам бор.
Қиз:
— Мен ҳам сизни севаман.
Йигит:
— Ким бу?
Қадрли эркаклар!
Агарда бегона аёллар сизнингча ўзингизни хотинингиздан ёшроқ, чиройлироқ ва кўркамроқ кўринса, демак уларнинг эрлари яхши экан! Сизларга ўхшаган эмас!
Эркаклар хотинининг "Менсиз қандай яшаган бўлардингиз-а?!" деган доимий саволига ширин ҳаёллар билан кулиб қўйганини сезганмисиз?
— Мен уйдаман, сиз қаердасиз?
— Мен мажлисдаман.
— Ие, қанақа мажлис? Ахир шифокорлар бир ерга тўпланманглар деяпти-ку!
— Ҳа, биз одамларни бир ерга тўпланмаслиги тўғрисида мажлис ўтказяпмиз.
Бир аёл 4 ёшли ўғилчаси билан кўчада бораётган экан, чиройли дугонасини учратиб қолибди. Дугонаси билан кўришиб, ўғлига:
— Ўғлим, холангни ўпиб қўй! - деса, болакай:
— Йўқ, урадилар! - дебди.
— Нега унақа деяпсан ўғлим? - дебди онаси.
— Адам ўпганларида бу хола урганлар, - дермиш.
Хотин эрига:
— Менга уйланишни ким маслаҳат берган сизга?
Эри:
— Эслолмайман. Душманларим кўп мени...!
Одамлар билан 2 метрлик масофани сақлашни айтишмоқда.
Лекин краватимизнинг эни 1,75. Эрим эса ерда ухлашни хоҳламаяпти.
Уй ҳайвонларига қўлқоп билан тегининг, қўлларни тез-тез совунлаб ювинг.
Ойи, сизмисиз? Нега бу ракамдан СМС ёзяпсиз? Буни устига сизлаяпсиз? Тинчликми ойи?
Икки дугона телеграмда.
— Аблаҳ.
— Ким?
— Йигитим.
— Нима қилди?
— Хиёнат қилди.
— Йўғе, қайси бири? Ботирми, Файзими?
— Файзи.
— Э, ўлсин. Буларнинг ҳаммаси шунақа.